കൊച്ചി; മലയാള സിനിമാ സംവിധായകനായ കെ.കെ ഹരിദാസ് അന്തരിച്ചു. ഇരുപതോളം സിനിമകള് ഹരിദാസ് സംവിധാനം ചെയ്തിട്ടുണ്ട് ഇതില് ഭൂരിഭാഗവും ജനപ്രിയ സിനിമകളായിരുന്നു. വധു ഡോക്ടറാണ്, കല്യാണ പിറ്റേന്ന്, കിണ്ണം കട്ട കള്ളന്, കൊക്കരക്കോ എന്നീ സിനിമകള് ഇതില് ഉള്പ്പെടുന്നു. കൊച്ചിയില് വെച്ചാണ് അന്ത്യം സംഭവിച്ചത്.
1992ല് ‘ഭാര്യ ഒരു മന്ത്രി’ എന്ന ചിത്രത്തിലൂടെയാണ് ഹരിദാസ് സംവിധായകനായി തുടക്കം കുറിക്കുന്നത്. 2012ല് അനൂപ് മേനോനെ നായകനാക്കി സംവിധാനം ചെയ്ത ജോസേട്ടന് ഹീറോയാണ് എന്ന ചിത്രമാണ് അവസാനമായി സംവിധാനം ചെയ്തത്. പത്തനംതിട്ട ജില്ലയിലെ മൈലപ്രയിലാണ് ഹരിദാസ് ജനിച്ചത്. അച്ഛന് കുഞ്ഞുകുഞ്ഞ്. അമ്മ സരോജിനി. സഹോദരീ ഭര്ത്താവ് കണ്ണൂര് രാജനാണ് ഹരിദാസിനെ സിനിമയിലേക്ക് കൊണ്ടുവന്നത്.
ദിലീപ് ആദ്യം നായകനായി അഭിനയിച്ച കാക്കയ്ക്കും പൂച്ചയ്ക്കും കല്യാണം എന്ന ചിത്രം സംവിധാനം ചെയ്തതും ഹരിദാസാണ്. അനിതയാണ് ഭാര്യ. ഹരിത, സൂര്യദാസ് എന്നിവര് മക്കളാണ്.
പ്രതികരിക്കാൻ ഇവിടെ എഴുതുക: