റയല് മാഡ്രിഡ് ഇപ്പോഴും ലോകോത്തര താരമായ ക്രിസ്റ്റ്യാനോ റൊണാള്ഡോയെ മിസ് ചെയ്യുന്നുണ്ടെന്ന് റയല് മാഡ്രിഡ് താരം മാഴ്സെലോ. ജിറോണക്കെതിരായ മത്സരത്തിന് ശേഷമാണു താരത്തിന്റെ പ്രതികരണം. അതെ സമയം ബെയ്ലും ബെന്സേമയും മികച്ച കളിക്കാര് ആണെന്നും മാഴ്സെലോ പറഞ്ഞു. ജിറോണക്കെതിരായ മത്സരത്തില് ബെയ്ലും ബെന്സേമയും ഗോളടിച്ചിരുന്നു.
‘റൊണാള്ഡോയെ പോലൊരു താരത്തെ ഒരിക്കലും മറക്കാന് കഴിയില്ല. റയല് മാഡ്രിഡിലെ ഒരു പ്രധാനപ്പെട്ട താരമായിരുന്നു റൊണാള്ഡോ. റയല് മാഡ്രിഡിന് വേണ്ടി ഒരുപാടു ഗോളുകള് നേടിയ റൊണാള്ഡോ ലോകത്തിലെ മികച്ച അറ്റാക്കര്മാരില് ഒരാളാണ്. പക്ഷെ ഈ അവസരത്തില് പുതിയ ടീമിനെ പറ്റിയും പുതിയ താരങ്ങളെപറ്റിയും ചിന്തിക്കേണ്ടിയിരിക്കുന്നു’ മാഴ്സെലോ പറഞ്ഞു.
റയല് മാഡ്രിഡിന് വേണ്ടി 438 മത്സരങ്ങളില് നിന്ന് 450 ഗോളുകള് നേടിയ റൊണാള്ഡോ ഏവരെയും ഞെട്ടിച്ചുകൊണ്ടാണ് റയല് മാഡ്രിഡ് വിട്ട് യുവന്റസില് എത്തിയത്. കഴിഞ്ഞ സീസണില് 44 മത്സരങ്ങളില് നിന്ന് 44 ഗോളും റൊണാള്ഡോ നേടിയിരുന്നു.
പ്രതികരിക്കാൻ ഇവിടെ എഴുതുക: