അലഹബാദ്: ജനങ്ങള്ക്ക് കുറഞ്ഞ ചെലവില് മികച്ച ഭക്ഷണം ലഭ്യമാക്കിയ അലഹബാദിലെ ഭക്ഷണശാലയിലെ യോഗി താലി മീല്സ് ഹിറ്റാകുന്നു. ഇവിടെ നിന്ന് ലഭ്യമാകുന്ന താലി മീല്സിന് വെറും പത്ത് രൂപയാണ് ഈടാക്കുന്നത്.
ദിലീപ് എന്ന വ്യക്തിയുടെ നേതൃത്വത്തില് ആരംഭിച്ച ഒരു സ്വകാര്യ സംരംഭമാണിത്. ഞായറാഴ്ച വൈകിട്ട് അലഹബാദ് മേയര് അഭിലാഷ ഗുപ്തയാണ് ഭക്ഷണശാല ഉദ്ഘാടനം ചെയ്തത്. ‘ഇത് ഒരു വ്യക്തി ജനങ്ങള്ക്ക് വേണ്ടി ചെയ്യുന്ന സേവനമാണ്. മുഖ്യമന്ത്രി യോഗി ആദിത്യനാഥിന്റെ പേരിലാകും ഈ സൗകര്യങ്ങള് നല്കുന്നത്. ഇവിടെ നിന്ന് 10 രൂപക്ക് നല്കുന്ന താലി മീല് പാവപ്പെട്ട ആളുകള്ക്ക് ഏറെ ഗുണം ചെയ്യും.ഈ ഭക്ഷണത്തിന് യോഗി താലി എന്നാണ് പേര് കൊടുത്തിരിക്കുന്നതെന്ന് അഭിലാഷ ഗുപ്ത പറഞ്ഞു.
ഭക്ഷണമില്ലാതെ ആരും ബുദ്ധിമുട്ടരുതെന്ന ചിന്തയാണ് ഇതിന് പിന്നിലെന്ന് ദിലീപ് പറഞ്ഞു. വിശന്ന വയറുമായി ആരും കഷ്ടപ്പെടരുത്. യോഗി ആദിത്യനാഥിന്റെ പേരാണ് ഈ സംരംഭത്തിന് നല്കിയിരിക്കുന്നത്. കാരണം അദ്ദേഹം ഇവിടുത്തെ ജനങ്ങള്ക്ക് വേണ്ടിയാണ് പ്രവര്ത്തിക്കുന്നത്. അദ്ദേഹത്തിന്റെ ഓരോ പ്രവൃത്തിയും അഭിനന്ദനീയമാണ്. ഉടനെ തന്നെ അലഹബാദിന് സമീപം അട്ടര്സൂയ്യയിലും ഒരു ഔട്ട്ലറ്റ് തുടങ്ങുമെന്നും അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: