കൊച്ചി: ജോയ്സ് ജോര്ജ് എംപിക്കും കുടുംബത്തിനുമെതിരായ കൊട്ടാക്കമ്പൂര് ഭൂമി തട്ടിപ്പു കേസില് സിബിഐ അന്വേഷണം വേണമെന്ന ഹര്ജിയില് ഭൂമിയുടെ മുന് ഉടമകളെക്കൂടി കക്ഷി ചേര്ക്കാന് ഹൈക്കോടതി നിര്ദേശം നല്കി. മുന് ഭൂവുടമകളില് നിന്ന് ജോയ്സ് ജോര്ജ് എംപിയുടെ പിതാവ് ഭൂമി തട്ടിയെടുത്തു എന്നാണ് ഹര്ജിയിലെ ആക്ഷേപം.
മൂന്നാര് സ്വദേശി എന്.കെ. ബിജുവാണ് ഹര്ജിക്കാരന്. എന്നാല് ജോയ്സ് ജോര്ജിന്റെ പിതാവിന് ഭൂമി നല്കിയവരാരും തങ്ങളുടെ ഭൂമി തട്ടിയെടുത്തെന്ന് മജിസ്ട്രേട്ടിന് നല്കിയ രഹസ്യമൊഴിയില് പറയുന്നില്ലെന്ന് സര്ക്കാര് വ്യക്തമാക്കിയിരുന്നു. ഈ മൊഴികളും സര്ക്കാര് ഹൈക്കോടതിയില് സമര്പ്പിച്ചു. തുടര്ന്നാണ് ഇവരെക്കൂടി കക്ഷി ചേര്ക്കാന് ഹൈക്കോടതി നിര്ദേശിച്ചത്.
പ്രതികരിക്കാൻ ഇവിടെ എഴുതുക: