ന്യൂദല്ഹി: ‘ദളിത്’ എന്ന പദം ഉപയോഗിക്കുന്നത് മാധ്യമങ്ങള് ഒഴിവാക്കണമെന്ന് കേന്ദ്രസര്ക്കാര്. ഇതു സംബന്ധിച്ചു വാർത്ത വിനിമയ മന്ത്രാലയം രാജ്യത്തെ ടിവി ചാനലുകള്ക്കു നിര്ദേശം നല്കി. രണ്ടു കോടതി വിധികളെ അടിസ്ഥാനമാക്കിയാണു കേന്ദ്രത്തിന്റെ ഉത്തരവ്
ഭരണഘടനയില് പറഞ്ഞിട്ടില്ലാത്തതിനാല് സര്ക്കാര് ദളിത് വാക്ക് ഉപയോഗിക്കരുതെന്ന് ജനുവരിയില് മധ്യപ്രദേശ് ഹൈക്കോടതി ഉത്തരവിട്ടിരുന്നു. ഇതിന്റെ അടിസ്ഥാനത്തില് കേന്ദ്ര-സംസ്ഥാന സര്ക്കാരുകളുമായി ബന്ധപ്പെട്ട എല്ലാ ഔദ്യോഗിക ആശയവിനിമയങ്ങളിലും ‘പട്ടികജാതി’ അല്ലെങ്കില് അതിന്റെ വിവര്ത്തനം ഉപയോഗിക്കണം എന്ന് കേന്ദ്ര സാമൂഹ്യനീതി മന്ത്രാലയം മാര്ച്ചില് സര്ക്കുലറിറക്കിയിരുന്നു.
ജൂണ് 6-ന്, പ്രസ് കൗണ്സിലിലേക്കും മാധ്യമങ്ങളിലേക്കും ഇതു സംബന്ധിച്ച മാര്ഗനിര്ദേശങ്ങള് നല്കണമെന്ന് ബോംബെ ഹൈക്കോടതി മന്ത്രാലയത്തോട് ആവശ്യപ്പെട്ടു.ഇതുനു പിന്നാലെയാണ് സംഭവത്തില് കേന്ദ്രവും ഉത്തരവിറക്കിയത്.
പ്രതികരിക്കാൻ ഇവിടെ എഴുതുക: