തിരുവനന്തപുരം: കേരള സർക്കാരിന്റെ പുനരധിവാസ പ്രവർത്തനങ്ങൾക്ക് ഒച്ചിന്റെ വേഗതയാണെന്ന് പ്രതിപക്ഷ നേതാവ് രമേശ് ചെന്നിത്തല. കേരളത്തിൽ പുനരധിവാസ പ്രവര്ത്തനങ്ങള് വിലയിരുത്താന് മന്ത്രിസഭായോഗം പോലും കൂടാനാകാത്തവിധം മന്ത്രിമാരുടെ പടലപ്പിണക്കം വര്ദ്ധിച്ചിരിക്കുന്നുവെന്നും അദ്ദേഹം കുറ്റപ്പെടുത്തി. കേരളത്തില് ദുരന്ത മേഖലയിലെ റോഡിലെ കുഴി പോലും അടക്കാന് കഴിയാതെ സര്ക്കാര് അന്ധാളിച്ചു നില്ക്കുകയാണെന്ന് അദ്ദേഹം പറഞ്ഞു.
ഇനിയെങ്കിലും അടിയന്തരമായി ദുരന്ത മേഖലയിലെ റോഡ് നിര്മാണം ഉള്പ്പെടെയെുള്ള പുരനധിവാസ പ്രവര്ത്തനങ്ങള് പൂര്ത്തിയാക്കണമെന്നും ചെന്നിത്തല ആവശ്യപ്പെട്ടു. അതേ സമയം പ്രളയത്തിൽപ്പെട്ട കർണാടകയിലെ പുനരധിവാസ പ്രവർത്തനങ്ങൾ അവിടുത്തെ സർക്കാർ യുദ്ധകാലാടിസ്ഥാനത്തിൽ പൂർത്തിയാക്കുന്നത് ഏറെ മാതൃകാപരമാണെന്ന് അദ്ദേഹം കൂട്ടിച്ചേർത്തു.
പ്രതികരിക്കാൻ ഇവിടെ എഴുതുക: