മട്ടന്നൂര്: കണ്ണൂര് അന്താരാഷ്ട്ര വിമാനത്താവളത്തിലേക്ക് പ്രവേശിക്കുന്ന മട്ടന്നൂര്-മരുതായി-ഇരിക്കൂര് റോഡ് വികസനത്തിന്റെ ഭാഗമായി വൈദ്യുതി തൂണുകളും ട്രാന്സ്ഫോര്മറുകളും മാറ്റി സ്ഥാപിക്കുന്നതിനായി സര്വ്വേ ആരംഭിച്ചു. ഒന്പത് കിലോമീറ്റര് റോഡില് നിലവില് നാനൂറോളം വൈദ്യുതി തൂണുകളും പതിനഞ്ച് ട്രാന്സ്ഫോര്മറുകളുമാണുള്ളത്. അതില് 153 തൂണുകളും മൂന്ന് ട്രാന്സ്ഫോര്മറുകളും മാറ്റി സ്ഥാപിക്കണമെന്നാണ് പ്രാഥമിക വിലയിരുത്തല്. പൊതുമരാമത്തു വകുപ്പും വൈദ്യുതി ബോര്ഡും ചേര്ന്നാണ് സര്വ്വേ നടത്തുന്നത്.
വൈദ്യുതി ബോര്ഡ് തയ്യാറാക്കുന്ന എസ്റ്റിമേറ്റ് തുക അടച്ചതിനു ശേഷം പ്രവൃത്തി ആരംഭിക്കുമെന്ന് അധികൃതര് അറിയിച്ചു. വിമാനത്താവളം പ്രവര്ത്തനമാരംഭിക്കുന്നതോടെ വാഹനങ്ങളുടെ എണ്ണം വര്ദ്ധിക്കുന്നത് കണക്കിലെടുത്താണ് 25 കോടി രൂപ ചിലവില് 11 മീറ്റര് വീതിയില് റോഡ് ടാറിംഗ് നടത്തുന്നത്. നിലവിലുള്ള റോഡിലെ വളവുകള് ഒഴിവാക്കിയും കയറ്റം കുറച്ചുമാണ് റോഡുവികസിപ്പിക്കുന്നത്. ഇതോടെ തളിപ്പറമ്പ്, ആലക്കോട്, ചെമ്പേരി തുടങ്ങിയ മേഖലകളില് നിന്നുള്ളവര്ക്ക് ഇതുവഴി എളുപ്പത്തില് വിമാനത്താവളത്തില് എത്തിച്ചേരനാകും.
പ്രതികരിക്കാൻ ഇവിടെ എഴുതുക: