കൊല്ലം: ശുചിത്വ ഭാരതം എന്ന വിഷയം പ്രധാനമന്ത്രി ഏറ്റെടുത്തതില് സന്തോഷമുണ്ടന്ന് മാതാ അമൃതാനന്ദമയീ ദേവി . അത് ദൈനംദിന ചര്ച്ചയായി. പരിസ്ഥിതി സംരക്ഷണം, ശുചിത്വം, ആരോഗ്യം, കുടിവെള്ളം എന്നീ മേഖലകളില് മഠം സജീവമായി ഇടപെടുന്നുണ്ട്. ഈ വര്ഷം മാത്രം രാജ്യത്താകമാനം 1700 ശുചിത്വ പരിപാടികളാണ് സംഘടിപ്പിച്ചത്. ശുചിത്വ ഭാരതം – നമാമി ഗംഗേ പ്രചാരണ പരിപാടികള്ക്കായി മഠം 100 കോടി രൂപ സംഭാവന നല്കി.
ശുചിമുറികളുടെ കുറവ് ആശങ്കയുളവാക്കുന്ന കാര്യമാണ്. അത് സ്ത്രീകളുടെ സുരക്ഷയുമായി ബന്ധപ്പെട്ടതു കൂടിയാണിത്. ‘അമൃതാനന്ദമയീ മഠം രാജ്യത്തൊട്ടാതെ 101 ഗ്രാമങ്ങള് ദത്തെടുത്തു. ഈ ഗ്രാമങ്ങളില് മഠം ശുചിമുറികള് പണിയുക മാത്രമല്ല ചെയ്തത്, അവിടങ്ങളിലെ സ്ത്രീകളെ ശുചിമുറികള് നിര്മ്മിക്കാന് പഠിപ്പിക്കുകയും ചെയ്തു.
‘ വിപണിയിലെ സാനിറ്ററി പാഡുകള് മണ്ണില് ലയിച്ചു ചേരുന്നവയല്ല. പരുത്തിയും വാഴനാരും ഉപയോഗിച്ചുള്ള സൗഖ്യം പാഡുകള് അമൃതാനന്ദമയീ മഠം നിര്മ്മിച്ചിട്ടുണ്ട്. ഇവ മണ്ണില് അലിഞ്ഞുചേരും. ഗ്രാമങ്ങളിലെ വനിതകള്ക്ക് ഈ പാഡ് നിര്മ്മിക്കുന്നതു വഴി വരുമാനവും ലഭിക്കുന്നു’
പ്രധാനമന്ത്രിയുമായുള്ള ആശയവിനിമയം കഴിഞ്ഞയുടന് അമൃതാപുരിയിലെ ആശ്രമത്തിനു ചുറ്റുമുള്ള ആറു കിലോമീറ്റര് ചുറ്റളവില് പ്രത്യേക ശുചീകരണ യജ്ഞം നടന്നു. അമൃതാ സ്കൂളുകള്, സര്വകലാശാലാ സെന്ററുകള്, മറ്റു സ്ഥാപനങ്ങള് എന്നിവിടങ്ങളിലും ശുചീകരണ പരിപാടികള് നടന്നു.
പ്രതികരിക്കാൻ ഇവിടെ എഴുതുക: