ഇരിട്ടി: കീഴൂര് എടക്കാനം റോഡിന്റെ ശോച്യാവസ്ഥ പരിഹരിക്കുക, നിര്മ്മാണത്തിലെ അഴിമതികളെകുറിച്ച് സമഗ്രമായ അന്വേഷണം നടത്തുക തുടങ്ങിയ ആവശ്യങ്ങള് ഉന്നയിച്ച് ബിജെപി സായാഹ്ന ധര്ണ്ണ നടത്തി. കീഴൂര് എടക്കാനം റോഡ് ജജംഗ്ഷനില് നടന്ന ധര്ണ്ണ മണ്ഡലം പ്രസിഡന്റ് പി.എം.രവീന്ദ്രന് ഉദ്ഘാടനം ചെയ്തു. പ്രധാനമന്ത്രി ഗ്രാമീണ് സഡക്ക് യോജനപ്രകാരം 2012 ല് പൂര്ത്തീകരിച്ച ഈ റോഡിന്റെ നിര്മ്മാണത്തില് നടന്ന അഴിമതികളെക്കുറിച്ച് സമഗ്രമായ അന്വേഷണം നടത്തണമെന്നാവശ്യപ്പെട്ട് അധികൃതര്ക്ക് പരാതി നല്കുമെന്ന് രവീന്ദ്രന് പറഞ്ഞു.
അഞ്ചുവര്ഷ ഗ്യാരണ്ടിയില് നിര്മ്മിച്ച റോഡ് ഒരു വര്ഷം കൊണ്ട് തന്നെ തകര്ന്ന് നാമാവശേഷമായിരുന്നു. എന്നാല് കരാറെടുത്ത് റോഡ് നിര്മ്മിച്ച കമ്പനി നിരവധി തവണ ആവശ്യപ്പെട്ടിട്ടും ഇതുവരെ തിരിഞ്ഞു നോക്കിയില്ല. കരാര് കാലാവധി കഴിഞ്ഞ് 9 മാസം കഴിയുമ്പോഴും തകര്ന്നു തരിപ്പണമായ റോഡിന്റെ പുനര്നിര്മ്മാണ ഉത്തരവാദിത്തം ആരും ഏറ്റെടുക്കാത്ത അവസ്ഥയിലാണ് ഇപ്പോള്. മുന്സിപ്പല് കൗണ്സിലര് പി.രഘു അധ്യക്ഷത വഹിച്ചു. മണ്ഡലം ജനറല് സെക്രട്ടറി സത്യന് കൊമ്മേരി, സജിത്ത് കീഴൂര്, എം.സുരേഷ് ബാബു തുടങ്ങിയവര് പ്രസംഗിച്ചു. കെ.ജയപ്രകാശ് സ്വാഗതവും എ. പ്രമോദ് നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: