ന്യുയോര്ക്ക്: നവകേരള നിര്മ്മാണത്തിന് അമേരിക്കന് മലയാളികളോട് സഹായം അഭ്യര്ഥിച്ച് മുഖ്യമന്ത്രി പിണറായി വിജയന്. കേരളത്തിന്റെ പുനര് നിര്മാണത്തിന് ഗ്ലോബല് സാലറി ചലഞ്ചിന് ഏവരും തയ്യാറാകണമെന്നും മുഖ്യമന്ത്രി ആവശ്യപ്പെട്ടു. ന്യൂയോര്ക്കില് മലയാളി സമൂഹത്തെ അഭിസംബോധന ചെയ്ത്സംസാരിക്കുകയായിരുന്നു അദ്ദേഹം.
ദേശീയ മാനദണ്ഡപ്രകാരം ലഭിക്കുന്ന പണം നവ കേരള നിര്മ്മാണത്തിന് തികയില്ല, അതിനാല് ഗ്ലോബല് സാലറി ചലഞ്ച് ഏറ്റെടുത്ത് ഒരു മാസത്തെ ശബളം നല്കുന്നതിന് തയ്യാറുള്ളവര് നല്കണം. നവ കേരള നിര്മ്മാണത്തിന് ക്രൗഡ് ഫണ്ടിങ് അടക്കമുള്ള മാര്ഗങ്ങള് ഉപയോഗപ്പെടുത്തണമെന്നും 150 കോടി രൂപയെങ്കിലും അമേരിക്കയില് നിന്നും സമാഹരിക്കണമെന്നും പിണറായി അഭ്യര്ത്ഥിച്ചു.
രാജ്യാന്തര തലത്തില് പണം സമാഹരിക്കാനായി മൂന്ന് മാസത്തിനകം ധനദാതാക്കളുടെ സമ്മേളനം വിളിച്ചു ചേര്ക്കും. റോക്ക് ലാന്റ് കൗണ്ടിയില് അമേരിക്കന് മലയാളി സമൂഹത്തെ അഭിസംബോധന ചെയ്ത് സംസാരിക്കുകയായിരുന്നു മുഖ്യമന്ത്രി.
ഇന്ത്യന് സമയം രാവിലെ അഞ്ച് മണിക്കാണ് മുഖ്യമന്ത്രി അമേരിക്കന് മലയാളി സമൂഹത്തെ അഭിസംബോധന ചെയ്തത്. ക്രൗഡ് ഫണ്ടിംഗ് അനിവാര്യമാണെന്ന് ചൂണ്ടികാട്ടിയ പിണറായി നാശനഷ്ടങ്ങള് കണക്കാക്കി പുനര്നിര്മ്മാണം ഉണ്ടാകുമെന്നും വ്യക്തമാക്കി.
ചികിത്സയ്ക്ക് ശേഷമുള്ള മുഖ്യമന്ത്രിയുടെ ആദ്യ പൊതു പരിപാടി കൂടിയായിരുന്നു റോക്ക് ലാന്റ് കൗണ്ടിയില് നടന്നത്.
പ്രതികരിക്കാൻ ഇവിടെ എഴുതുക: