കോട്ടയം: കന്യാസ്ത്രീയെ പീഡിപ്പിച്ച കേസില് അറസ്റ്റിലായ ബിഷപ്പ് ഫ്രാങ്കോ മുളയ്ക്കലിനെ കുറവിലങ്ങാട് മഠത്തിലെത്തിച്ച് തെളിവെടുത്തു. പീഡനം നടന്ന ഇരുപതാം നമ്പർ മുറിയിലാണ് തെളിവെടുപ്പ് നടത്തിയത്. മുക്കാല് മണിക്കൂറോളം തെളിവെടുപ്പ് നീണ്ടുനിന്നു. പുറത്തേക്ക് പോകുന്നതിനിടെ നാട്ടുകാര് ഫ്രാങ്കോ മുളയ്ക്കലിനെ കൂക്കിവിളിച്ചു. തെളിവെടുപ്പിന് ശേഷം ബിഷപ്പിനെ തിരിച്ച് കോട്ടയം പോലീസ് ക്ലബിലേക്ക് കൊണ്ടുപോയി.
അതേസമയം ഫ്രാങ്കോയെ നുണപരിശോധനയ്ക്ക് വിധേയനാക്കാന് കോടതിയില് അപേക്ഷ നല്കും. ഫ്രാങ്കോ മുളയ്ക്കല് നിഷേധാത്മകമായ സമീപനം തുടരുന്നതിനാലാണിത്. നുണപരിശോധന കേസിന് ഗുണം ചെയ്യുമെന്ന് പോലീസ് അറിയിച്ചു. സാക്ഷികളെ സ്വാധീനിക്കാന് ശ്രമിച്ച കേസില് കൂടുതല് അറസ്റ്റുണ്ടാകുമെന്ന് പോലീസ് അറിയിച്ചു. ഫാദര് ജെയിംസ് എര്ത്തയില് ഉള്പ്പെടെയുള്ളവര്ക്കെതിരെയാകും നടപടി.
പ്രതികരിക്കാൻ ഇവിടെ എഴുതുക: