കണ്ണൂര്: നഗരത്തിലെ സ്വകാര്യ വിദ്യാഭ്യാസസ്ഥാപനത്തില് കവര്ച്ച നടത്തിയ മോഷ്ടാക്കളെ 48 മണിക്കൂറിനുള്ളില് തൊണ്ടിമുതലുകളുമായി പോലീസ് അറസ്റ്റ് ചെയ്തു. വേങ്ങാട് തെരുവിലെ മഠപ്പുരക്കല് ഹൗസില് എം.ബിജു(39), തിരുവനന്തപുരം ചെങ്കല് ചൂളയിലെ വിഷ്ണു(25) എന്നിവരെയാണ് ടൗണ് എസ്ഐ ശ്രീജിത്ത് കൊടേരിയും സംഘവും അറസ്റ്റ് ചെയ്തത്.
കഴിഞ്ഞ ശനിയാഴ്ചയാണ് കോളേജ് ഓഫ് കൊമേഴ്സിന്റെ പൂട്ടുപൊളിച്ച് ഓഫീസില് സൂക്ഷിച്ച ലാപ്ടോപ്പും മൊബൈല് ഫോണും കവര്ച്ച നടത്തിയത്. നഗരത്തില് ചുറ്റിക്കറങ്ങുന്ന ഇവരെ മോഷണമുതലുകള് വില്പ്പനക്ക് ശ്രമിക്കവെയാണ് പോലീസ് പിടികൂടിയത്. പകല് സമയങ്ങളില് നഗരത്തില് ചുറ്റിക്കറങ്ങുന്ന ഇവര് രാത്രി ബസ്സ്റ്റാന്റിലും മറ്റുമാണ് കിടക്കാറ്. നിരവധി കവര്ച്ചാക്കേസുകളില് പ്രതിയായ ബിജു ജയില്ശിക്ഷയനുഭവിച്ച് നാല് മാസം മുമ്പാണ് മോചിതനായതെന്ന് പോലീസ് പറഞ്ഞു. നഗരത്തിലെ സാമൂഹ്യദ്രോഹ പ്രവര്ത്തനങ്ങളിലും ഇവര് പങ്കാളികളാണെന്നും എസ്ഐ പറഞ്ഞു. എഎസ്ഐ അനീഷ്, അജിത്ത് എന്നിവരും പ്രതികളെ പിടികൂടിയ സംഘത്തിലുണ്ടായിരുന്നു.
പ്രതികരിക്കാൻ ഇവിടെ എഴുതുക: