ചെറുപുഴ: സംസ്ഥാന ഹോര്ട്ടികള്ച്ചര് മിഷന്റെ സഹകരണത്തോടെ ചെറുപുഴ പഞ്ചായത്തിലെ മീന്തുള്ളില് നടപ്പാക്കിയ ഹൈബ്രീഡ് പച്ചക്കറി കൃഷി വിളവെടുത്തു. മീന്തുള്ളിയിലെ അമ്പാട്ട് ഏലിയാസിന്റെ രണ്ടര ഏക്കര് കൃഷിയിടത്തിലാണ് വിവിധയിനം പച്ചക്കറികള് വന്തോതില് കൃഷി ചെയ്തത്. ടെലിവിഷന് റിയാലിറ്റി ഷോ താരം പി.എ.ഭാഗ്യലക്ഷ്മി വിളവെടുപ്പ് ഉദ്ഘാടനം ചെയ്തു. പഞ്ചായത്ത് പ്രസിഡന്റ് കൊച്ചുറാണി ജോര്ജ്ജ് അധ്യക്ഷയായിരുന്നു. കൃഷി ഓഫിസര് കെ. ജയരാജന് നായര്, പഞ്ചായത്ത് സ്ഥിരം സമിതി ചെയര്മാന്മാരായ ഡെന്നി കാവാലം, ഷാന്റി കലാധരന്, പഞ്ചായത്തംഗം മനോജ് വടക്കേല്, ജോളി അലക്സ്, ആര്. ജയരാജ് തുടങ്ങിയവര് പ്രസംഗിച്ചു. നിരവധി കര്ഷകരും നാട്ടുകാരും വിളവെടുപ്പില് സംബന്ധിച്ചു.
പ്രതികരിക്കാൻ ഇവിടെ എഴുതുക: