പേരാവൂര്: പേരാവൂര് കണിച്ചാറിനടുത്ത ചാണപ്പാറ ദേവീക്ഷേത്രത്തില് കവര്ച്ച. പഞ്ചലോഹ വിഗ്രഹവും ഭണ്ഡാരത്തിലെ പണവും മോഷണം പോയി. ക്ഷേത്രത്തിന് സമീപത്തെ കടയിലും മോഷണം നടന്നു. ശ്രീകോവിലിന്റെ പൂട്ടു പൊളിച്ച് അകത്തു കടന്നാണ് കവര്ച്ച നടത്തിയത്.
ഏഴു വര്ഷം മുമ്പാണ് ഈ പഞ്ചലോഹവിഗ്രഹം ക്ഷേത്രത്തില് പ്രതിഷ്ഠിച്ചത്. ക്ഷേത്രത്തിലെ രണ്ട് ഭണ്ഡാരങ്ങളിലേയും കൗണ്ടറുകളിലേയും പണവും മോഷ്ടിക്കപ്പെട്ടു. ഇവയും തകര്ക്കപ്പെട്ട നിലയിലാണ്. ഇന്നലെ രാവിലെ ക്ഷേത്രത്തിലെത്തിയ ഭക്തരാണ് ശ്രീകോവില് തുറന്നുകിടക്കുന്നത് കണ്ടത്. ഉടന് ക്ഷേത്രഭാരവാഹികളെയും നാട്ടുകാരെയും വിവരമറിയിക്കുകയും ചെയ്തു. സമീപത്തെ തേലക്കാട്ട് സതീശന്റെ കടയില് നിന്നും പതിനായിരും രൂപയും കടയില് വെച്ചിരുന്ന വിവിധ ക്ഷേത്രങ്ങളിലേക്കുള്ള ഭണ്ഡാരത്തിലെ പണവുമാണ് മോഷണം പോയത്. ഇന്നലെ പുലര്ച്ചയോടെയാണ് സംഭവം. സംഭവസ്ഥലത്തു നിന്നും ഒരു ബെല്റ്റും കമ്പിപ്പാരയും കുടയും കണ്ടെത്തിയിട്ടുണ്ട്. കഴിഞ്ഞ ആഴ്ചയും ക്ഷേത്രത്തിന്റെ ഭണ്ഡാരം തകര്ത്ത് പണം മോഷ്ടിച്ചിരുന്നു. കേളകം പോലീസ് സ്ഥലത്തെത്തി അന്വേഷണം ആരംഭിച്ചു.
പ്രതികരിക്കാൻ ഇവിടെ എഴുതുക: