കൊച്ചി: കേരള തീരത്ത് ശക്തമായ തിരമാലകള് ഉണ്ടാകാന് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കി. തിരുവനന്തപുരം, കൊല്ലം, ആലപ്പുഴ, കൊച്ചി, കോഴിക്കോട്, പൊന്നാനി, കണ്ണൂര്, കാസര്കോട് എന്നീ തീരപ്രദേശങ്ങളില് വേലിയേറ്റ സമയങ്ങളില് ശക്തമായ തിരമാലയ്ക്ക് സാധ്യതയുണ്ട്. കള്ളക്കടല് പ്രതിഭാസത്തിന്റെയും സ്പ്രിങ് ടൈഡ്ന്റെയും സംയുകത ഫലം ആണിതെന്ന് കാലാവസ്ഥാ നിരീക്ഷണകേന്ദ്രം അറിയിച്ചു.
മീന്പിടുത്തക്കാരും തീരദേശനിവാസികളും ജാഗ്രത പാലിക്കണമെന്നും മുന്നറിയിപ്പുണ്ട്. തീരത്തിനോട് ചേര്ന്ന് മീന്പിടിക്കുന്നവര് കൂടുതല് ശ്രദ്ധ പാലിക്കേണ്ടതാണ്.ബോട്ടുകള് കൂട്ടിമുട്ടി നാശം സംഭവിക്കാതിരിക്കുവാന് നങ്കൂരമിടുമ്പോള് അവ തമ്മില് അകലം പാലിക്കേണ്ടതാണെന്നും മുന്നറിയിപ്പുണ്ട്.
തീരങ്ങളില് ഈ പ്രതിഭാസത്തിന്റെ ആഘാതം കൂടുതലായിരിക്കും എന്നതിനാല് വിനോദ സഞ്ചാരികള് തീരപ്രദേശ വിനോദ സഞ്ചാരം ഒഴിവാക്കുക. ബോട്ടുകളും വള്ളങ്ങളും തീരത്തു നിന്ന് കടലിലേയ്ക്കും കടലില് നിന്ന് തീരത്തിലേയ്ക്കും കൊണ്ടുപോകുന്നതും വരുന്നതും ഒഴിവാക്കണമെന്ന് നിര്ദേശമുണ്ട്.
പ്രതികരിക്കാൻ ഇവിടെ എഴുതുക: