ദുബായ്: വിദേശത്ത് മരിക്കുന്ന പ്രവാസികളുടെ മൃതദേഹം നാട്ടിലെത്തിക്കുന്നതിനുള്ള ടിക്കറ്റ് നിരക്ക് ഇരട്ടിയാക്കിയ തീരുമാനം എയര് ഇന്ത്യ പിന്വലിച്ചു. നിരക്ക് വര്ധനവിനെതിരെ പ്രതിഷേധം ശക്തമായ സാഹചര്യത്തിലാണ് നടപടി. ഇനി മുതല് പഴയ നിരക്ക് പ്രബല്യത്തിലാകുമെന്നും എയര് ഇന്ത്യ അറിയിച്ചു.
മൃതദേഹത്തിന്റെ ഭാരം കണക്കാക്കി തുകനിശ്ചയിച്ച് കാര്ഗോ അയയ്ക്കുന്നതാണ് നിലവിലെ രീതി. ഈ രീതിയില് നേരത്തെ ഉണ്ടായിരുന്ന ഇളവ് ഒഴിവാക്കി കിലോയ്ക്ക് 20 മുതല് 30 ദിര്ഹം വരെ നിശ്ചയിച്ചുകൊണ്ടാണ് കഴിഞ്ഞയാഴ്ച എയര് ഇന്ത്യ തീരുമാനം പ്രഖ്യാപിച്ചത്. ഈ തീരുമാനമാണ് ഇപ്പോള് പിന്വലിച്ചിരിക്കുന്നത്.
പുതിയ തീരുമാനം പിന്വലിച്ചെങ്കിലും മൃതദേഹങ്ങള് നാട്ടിലെത്തിക്കാന് പഴയ നിരക്ക് നല്കേണ്ടി വരും. സൗജന്യ നിരക്ക് ഒഴിവാക്കിയതിനെതിരെ മലയാളികള് ഉള്പ്പെടെയുള്ള പ്രവാസികളും സംഘടനകളും പ്രതിഷേധവുമായി രംഗത്തെത്തിയിരുന്നു. അതേസമയം മൃതദേഹം തൂക്കിനോക്കി നിരക്ക് നിശ്ചയിക്കുന്ന നിലവിലെ രീതിയും മാറ്റമെന്നാണ് പ്രവാസികളുടെ ആവശ്യം. ഇക്കാര്യം ഉന്നയിച്ച് സമ്മര്ദ്ദം ചെലുത്തുമെന്ന് പ്രവാസി സംഘടനകള് പറയുന്നു.
പ്രതികരിക്കാൻ ഇവിടെ എഴുതുക: