കൊച്ചി: മഹാത്മാ ഗാന്ധിയുടെ 150-ാംജന്മവാര്ഷിക ത്തോടനുബന്ധിച്ച് ഗാന്ധിജിയുടെ ജീവിതത്തെ ആധാരമാക്കി ത്രിദിന ഫോട്ടോ പ്രദര്ശനവും കേന്ദ്രാവിഷ്കൃത ക്ഷേമ പദ്ധതികളെ കുറിച്ചുള്ള ബോധവത്ക്കരണ പരിപാടിയും സംഘടിപ്പിക്കുന്നു.
തിരുവാങ്കുളത്തുള്ള തൃപ്പൂണിത്തുറ മുനിസിപ്പാലിറ്റി അനക്സ് ഹാളില് ഇന്ന് (ഒക്ടോബര് 02) മൂന്ന് മണിക്ക് ശ്രീ കെ.ജെ. മാക്സി എംഎല്എ പ്രദര്ശനവും ബോധവത്ക്കരണ പരിപാടിയും ഉദ്ഘാടനം ചെയ്യും. സ്വാതന്ത്ര്യസമര സേനാനി ശ്രീ തിലകന് കാവനാലിനെ ചടങ്ങില് ആദരിക്കും.
കേന്ദ്ര ഗവണ്മെന്റിന്റെ സാമൂഹിക സുരക്ഷാ പദ്ധതികള്, പോഷകാഹാരശീലങ്ങള്, പ്രളായനന്തര സാഹചര്യങ്ങളിലെ ശുചിത്വം എന്നീ വിഷയങ്ങളില് വിദഗ്ധര് ക്ലാസുകളെടുക്കും. കേന്ദ്ര വാര്ത്താവിതരണ പ്രക്ഷേപണ മന്ത്രാലയത്തിനു കീഴിലുള്ള റീജണല് ഔട്ട്റീച്ച് ബ്യൂറോയും എറണാകുളം ഫീല്ഡ് ഔട്ട്റീച്ച് ബ്യൂറോയും ചേര്ന്ന് സംസ്ഥാന സാമൂഹിക നീതി വകുപ്പിന്റെയും തൃപ്പൂണിത്തുറ മുനിസിപ്പാലിറ്റിയുടെയും മഹാത്മഗാന്ധി സ്റ്റഡി സര്ക്കിളിന്റെയും സഹകരണത്തോടെയാണ് പരിപാടി സംഘടിപ്പിക്കുന്നത്. ഇതോടനുബന്ധിച്ച് സോങ്ങ് ആന്ഡ് ഡ്രാമാ ഡിവിഷന്റെ ആഭിമുഖ്യത്തില് കലാപരിപാടികളും അരങ്ങേറും.
പ്രതികരിക്കാൻ ഇവിടെ എഴുതുക: