ന്യൂദല്ഹി: 150-ാം ജന്മവാർഷികത്തില് രാഷ്ട്രപിതാവിനെ അനുസ്മരിച്ച് രാഷ്ട്രപതിയും പ്രധാനമന്ത്രിയും. രാഷ്ട്രപതിയും പ്രധാനമന്ത്രിയും ഗാന്ധിജിയുടെ സമാധി സ്ഥലമായ രാജ്ഘട്ടില് പുഷ്പാഞ്ജലി അര്പ്പിച്ചു.
ഇന്ന് ആദരണീയനായ ബാപ്പുവിന്റെ 150-ാം ജന്മവാർഷികമാണ്. നമുക്ക് ഏവർക്കും അദ്ദേഹത്തിന്റെ സ്വപ്നങ്ങൾ നിറവേറ്റാനുള്ള ഏറ്റവും വലിയ അവസരമാണ് ഇത്.-പ്രധാനമന്ത്രി ട്വീറ്റ് ചെയ്തു. അതേസമയം, ഇന്ന് മുന് പ്രധാനമന്ത്രി ലാല് ബഹാദൂര് ശാസ്ത്രിയുടെയും ജന്മദിനമാണ്. അദ്ദേഹത്തെയും പ്രധാനമന്ത്രി ഓർമ്മിച്ചു.
ഗുജറാത്തിലെ പോര്ബന്ധറില് 1869 ഒക്ടോബര് 2നായിരുന്നു മഹാത്മാഗാന്ധിയുടെ ജനനം. ഉത്തര്പ്രദേശിലെ മുഗള്സരായയില് 1904 ഒക്ടോബര് 2നായിരുന്നു ലാല് ബഹാദൂര് ശാസ്ത്രിയുടെ ജനനം.
പ്രതികരിക്കാൻ ഇവിടെ എഴുതുക: