കണ്ണൂര്: ഒരു കിലോ ഇരുന്നൂറ്റി അമ്പത് കഞ്ചാവുമായി രണ്ട് യുവാക്കള് പിടിയില്. ശിവപുരം മൊട്ടമ്മല് സ്വദേശിയായ മുസമ്മല് വീട്ടില് മജീദിന്റെ മകന് അബൂദുള് സലാം, ആമ്പിലോട് സ്വദേശിയായ പൊന്നം ഹൗസില് അഷ്റഫിന്റെ മകന് പി.ഷാനവാസ് എന്നിവരെയാണ് ഉത്തരമേഖല ജോയന്റ് എക്സൈസ് കമ്മീഷണര് സ്പെഷല് സ്ക്വാഡ് എക്സൈസ് ഇന്സ്പെക്ടര് എം.ദിലീപന്റെ നേതൃത്വത്തില് അറസ്റ്റ് ചെയതത്. രഹസ്യ വിവരത്തിന്റെ അടിസ്ഥാനത്തില് നടത്തിയ പരിശോധനയിലാണ് ഇവര് പിടിയിലായത്. മീന് വണ്ടിയിലും പച്ചക്കറി കച്ചവടത്തിന്റെ മറവിലും കഞ്ചാവ് കച്ചവടം ചെയ്യുന്നത് കാരണം ഇത്രയും കാലം ഇവരെ ആര്ക്കും സംശയം തോന്നിയിരുന്നില്ല. വീരാജ്പേട്ട കേന്ദ്രീകരിച്ച് പ്രവര്ത്തിക്കുന്ന കഞ്ചാവ് ലോബിയില് നിന്നും കിലോ കണക്കിന് കഞ്ചാവ് വാങ്ങി ഇത്തരം വാഹനങ്ങളില് കടത്തിയാണ് ഇവര് ശിവപുരത്ത് എത്തിക്കുന്നത്. വരും ദിവസങ്ങളില് ശക്തമായ നിരീക്ഷണം നടത്തി കഞ്ചാവും മറ്റും ലഹരി വസ്തുക്കളുമായി ബന്ധമുളളവരെ നിയമത്തിന്റെ മുന്നില് കൊണ്ടുവരാന് ശക്തമായ പരിശോധന നടക്കും.
പ്രതികരിക്കാൻ ഇവിടെ എഴുതുക: