തിരുവനന്തപുരം: കേരള ബാങ്ക് രൂപീകരണ നടപടികളുമായി മുന്നോട്ട് പോകുന്നതിന് റിസര്വ് ബാങ്ക് ഓഫ് ഇന്ത്യ തത്ത്വത്തില് അംഗീകാരം നല്കി. സംസ്ഥാന സര്ക്കാരിനയച്ച കത്തിലാണ് റിസര്വ് ബാങ്ക് ഇക്കാര്യം വ്യക്തമാക്കിയത്.
റിസര്വ് ബാങ്ക് മാനദണ്ഡപ്രകാരമുള്ള സാമ്പത്തികവും, നിയമപരവും, ഭരണപരവുമായ വ്യവസ്ഥകള് പാലിച്ചുകൊണ്ട് 2019 മാര്ച്ച് 31ന് മുന്പായി ലയന നടപടികള് പൂര്ത്തീകരിക്കണം. ഇക്കാര്യം റിസര്വ് ബാങ്കിനെ ബോധ്യപ്പെടുത്തി അന്തിമ അനുമതിയും തുടര് ലൈസന്സിംഗ് നടപടികളും സാധ്യമാക്കണമെന്നും കത്തില് പറയുന്നു.
കോടതി നടപടികള് പാടില്ല. ജില്ലാ ബാങ്ക് ഭരണ സമിതികള് വിളിച്ചു ചേര്ത്ത് മൂന്നില് രണ്ട് ഭൂരിപക്ഷത്തോടെ ലയന നടപടികള് പൂര്ത്തിയാക്കണമെന്നും കത്തില് സൂചിപ്പിച്ചിട്ടുള്ളതായി മുഖ്യമന്ത്രി പിണറായി വിജയന് വാര്ത്താസമ്മേളനത്തില് പറഞ്ഞു.
പ്രതികരിക്കാൻ ഇവിടെ എഴുതുക: