കണ്ണൂര്: കണ്ണോത്തുംചാല് ചെക്ക്പോസ്റ്റിന് സമീപം ബിജെപി ഓഫീസ് അടിച്ച് തകര്ത്തു. ഇന്നലെ രാവിലെ എട്ട് മണിയോടെയാണ് പ്രദേശവാസിയായ കാര്യന് പ്രേമന് എന്നയാളുടെ നേതൃത്വത്തില് ഓഫീസ് തകര്ത്തത്. സംഭവമറിഞ്ഞ് പ്രവര്ത്തകരെത്തുമ്പോഴേക്കും അക്രമി സംഘം സ്ഥലത്ത് നിന്ന് രക്ഷപ്പെടുകയായിരുന്നു. കണ്ണൂര് സിറ്റി സ്റ്റേഷനില് പരാതി നല്കി.
നിരവധി വര്ഷങ്ങളായി പ്രദേശത്തെ ബിജെപി ഓഫീസ് പ്രവര്ത്തിക്കുന്ന കെട്ടിടമാണ് നശിപ്പിക്കപ്പെട്ടത്. ദൈനംദിന പ്രവര്ത്തനത്തിന്റെ ഭാഗമായി നിരവധി പ്രവര്ത്തകര് ബന്ധപ്പെടുന്ന ഓഫീസാണിത്. പ്രദേശത്തെ എല്ലാ വിഭാഗത്തില്പ്പെട്ട ജനങ്ങള്ക്കും ലഭ്യമാകുന്ന വിധത്തില് വ്യത്യസ്തങ്ങളായ സേവന പ്രവര്ത്തനങ്ങളും ഓഫീസ് കേന്ദ്രീകരിച്ച് നടന്നുവരുന്നുണ്ട്. ഓഫീസ് അക്രമിച്ച് തകര്ത്തതില് പ്രദേശത്ത് പ്രതിഷേധം ശക്തമാണ്. ബിജെപി ജില്ലാ അധ്യക്ഷന് പി.സത്യപ്രകാശ്, എ.ഒ.രാമചന്ദ്രന്, ആര്.കെ.ഗിരിധരന്, എ.ദിനേശന്, അനുരാഗ് മാസ്റ്റര്, ജിതിന് തുടങ്ങിയവര് സംഭവസ്ഥലം സന്ദര്ശിച്ചു.
ഓഫീസ് തകര്ത്തതില് പ്രതിഷേധിച്ച് കണ്ണൂക്കരയില് ബിജെപി പ്രവര്ത്തകര് പ്രകടനം നടത്തി.
പ്രതികരിക്കാൻ ഇവിടെ എഴുതുക: