തിരുവനന്തപുരം: ശബരിമലയില് യുവതി പ്രവേശനവുമായി ബന്ധപ്പെട്ട് സമവായമുണ്ടാക്കാന് സര്ക്കാര് ശ്രമം തുടങ്ങി. ഇതിന്റെ ഭാഗമായി തന്ത്രി കുടുംബത്തെ സര്ക്കാര് ചര്ച്ചയ്ക്ക് വിളിച്ചു. ദേവസ്വം മന്ത്രി കടകംപള്ളി സുരേന്ദ്രനും തിരുവിതാംകൂര് ദേവസ്വം ബോര്ഡ് പ്രസിഡന്റ് എ.പത്മകുമാറും തന്ത്രിമാരുമായി ചര്ച്ച നടത്തും. ദേവസ്വം ബോര്ഡ് പ്രതിനിധികളും ചര്ച്ചയില് പങ്കെടുക്കും.
തന്ത്രിമാരായ താഴമണ് മഠത്തിലെ കണ്ഠര് രാജീവര്, കണ്ഠര് മോഹനര്, കണ്ഠര് മഹേഷ് മോഹനര് എന്നിവരോടാണ് തിരുവനന്തപുരത്തേക്ക് ചര്ച്ചക്കെത്താന് ദേവസ്വം മന്ത്രി നിര്ദ്ദേശിച്ചത്. ശബരിമല വിഷയത്തില് ക്ഷേത്രവുമായി ബന്ധപ്പെട്ടവരുമായി സമവായ ചര്ച്ച നടത്തണം എന്ന് സിപിഎം നിര്ദേശത്തിനു പിന്നാലെയാണ് കൂടിക്കാഴ്ച.
യുദ്ധം ചെയ്ത് വിധി നടപ്പാക്കാനില്ലെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് വ്യക്തമാക്കി. വിഷയത്തില് തുല്യ നീതി നടപ്പാക്കണമെന്നാണ് സിപിഎം നയം. യുവതി പ്രവേശനവുമായി ബന്ധപ്പെട്ട് സിപിഎമ്മില് ആശയക്കുഴപ്പമില്ലെന്നും കോടിയേരി പറഞ്ഞു.
പ്രതികരിക്കാൻ ഇവിടെ എഴുതുക: