മട്ടന്നൂര്: കണ്ണൂര് വിമാനത്താവളത്തില് ജോലി വാഗ്ദാനം ചെയ്ത് ദമ്പതികള് ലക്ഷങ്ങള് തട്ടിയെടുത്തതായി പരാതി. എടയന്നൂര് നിരിപ്പോട്ട് കരിയിലെ വിസ്ന നിവാസില് എ.ടി.വിനീതിന്റെ പരാതിപ്രകാരം കൊല്ലം സ്വദേശികളായ ദമ്പതികള്ക്കെതിരെയാണ് മട്ടന്നൂര് പോലീസ് കേസെടുത്ത് അന്വേഷണം ആരംഭിച്ചിട്ടുള്ളത്. വിമാനത്താവളത്തില് ജൂനിയര് എക്സിക്യുട്ടീവ്, സീനിയര് എക്സിക്യുട്ടീവ് എന്നീ തസ്തികകളിലേക്ക് നിയമിക്കാമെന്ന് പറഞ്ഞാണ് 15,50,000 രൂപ തട്ടിയെടുത്തത്. 2017 മെയ് മാസം മട്ടന്നൂരിലെത്തിയ യുവാവ് തനിക്കും ഭാര്യക്കും കണ്ണൂര് വിമാനത്താവളത്തില് ഷെയര് ഉണ്ടെന്നും തന്റെ സ്വന്തം വസ്തു വിമാനത്താവളത്തിനുവേണ്ടി അക്വയര് ചെയ്തിരുന്നുവെന്നും വിമാനത്താവളത്തിന്റെ എംഡി അടക്കമുള്ള ഉന്നത ഉദ്യോഗസ്ഥരുമായി അടുത്ത ബന്ധമുണ്ടെന്നും പറഞ്ഞ് വിനീതിനെ വിശ്വസിപ്പിച്ച് പണം തട്ടിയെടുക്കുകയായിരുന്നു എന്നും പരാതിയില് പറഞ്ഞു.
പ്രതികരിക്കാൻ ഇവിടെ എഴുതുക: