താനൂര്: താനൂരില് മത്സ്യതൊഴിലാളിയെ തലക്കടിച്ച് കൊലപ്പെടുത്തിയ കേസില് ഭാര്യ സൗജത്തിന്റെ സുഹൃത്തും പ്രധാന പ്രതിയുമായ ബഷീര് പോലീസില് കീഴടങ്ങി. ഷാര്ജയില് നിന്ന് ചെന്നൈയിലെത്തിച്ച ബഷീറിനെ ബന്ധുക്കള് നാട്ടിലെത്തിച്ച് താനൂര് പോലീസിലേര്പ്പിക്കുകയായിരുന്നു. താനൂര് സി.ഐ. ഷാജിയുടെ നേതൃത്വത്തില് പ്രതിയുമായി സംഭവസ്ഥലത്ത് തെളിവെടുപ്പ് നടത്തുന്നു.
നേരത്തെ ഭര്ത്താവിനെ ഒഴിവാക്കി കാമുകന്റെ കൂടെ ജീവിക്കാനാണ് കൊലപാതകം നടത്തിയതെന്ന് ഭാര്യ സൗജത്ത് പോലീസിനോട് സമ്മതിച്ചു. മുഖ്യപ്രതിയായ താനൂര് തെയ്യാല സ്വദേശി അബ്ദുള് ബഷീര് കൊലപാതത്തിന് ശേഷം വിദേശത്തേക്ക് കടന്നിരുന്നു. ഒക്ടോബര് നാലിനാണ് വീട്ടിനുള്ളില് ഉറങ്ങിക്കിടക്കുന്നതിനിടെ മത്സ്യത്തൊഴിലാളിയായ സവാദ് കൊല്ലപെട്ടത്.
കൊലപാതകം അറിഞ്ഞിരുന്നില്ലെന്നാണ് വീട്ടിലുണ്ടായിരുന്ന ഭാര്യ സൗജത്ത് പോലീസിനോട് പറഞ്ഞിരുന്നത്. ഇതില് സംശയം തോന്നിയ പോലീസ് വിശദമായി ചോദ്യം ചെയ്തപ്പോഴാണ് ഇവര് കുറ്റസമ്മതം നടത്തിയത്. കാമുകന് അബ്ദുള് ബഷീറാണ് സവാദിനെ തലക്കടിച്ച് അബോധാവസ്ഥയിലാക്കിയതെന്ന് സൗജത്ത് പോലീസിനോട് പറഞ്ഞു. കൂടെ കിടന്നുറങ്ങിയിരുന്ന മകള് ശബ്ദം കേട്ട് നിലവിളിച്ചപ്പോള് കുട്ടിയെ മുറിക്കുള്ളിലാക്കിയ അബ്ദുള് ബഷീര്, കത്തിയെടുത്ത് കഴുത്തറത്ത് സവാദിന്റെ മരണം ഉറപ്പിച്ചു. വിദേശത്തായിരുന്ന അബ്ദുള് ബഷീറിനെ കൊലപാതകത്തിനായി മാത്രം രണ്ട് ദിവസത്തെ അവധിയില് നാട്ടിലേക്ക് വിളിച്ചുവരുത്തുകയായിരുന്നുവെന്നും സൗജത്ത് പോലീസിനോട് സമ്മതിച്ചു.
സൗജത്തിന്റെ കൊലപാതകത്തിന് വാഹനം വിട്ടുകൊടുത്ത അബ്ദുള് ബഷീറിന്റെ സുഹൃത്ത് സൂഫിയാനെയും നേരത്തെ പോലീസ് അറസ്റ്റ് ചെയ്തിരുന്നു.
പ്രതികരിക്കാൻ ഇവിടെ എഴുതുക: