ന്യൂദല്ഹി: ചാരവൃത്തിയുടെ പേരില് നാഗ്പൂരിലെ ബ്രഹ്മോസ് മിസൈല് യൂണിറ്റിലെ ജീവനക്കാരന് അറസ്റ്റില്. വേഗതയേറിയ ക്രൂയിസ് മിസൈലായ ബ്രഹ്മോസിന്റെ രഹസ്യ വിവരങ്ങള് ഇയാള് ചോര്ത്തിയെന്ന് സംശയിക്കപ്പെടുന്നു.
ബ്രഹ്മോസ് മിസൈല് യൂണിറ്റിലെ ജീവനക്കാരനായ നിഷാന്ത് അഗര്വാളിനെയാണ് തീവ്രവാദ വിരുദ്ധ സംഘം (എ.ടി.എസ്) അറസ്റ്റ് ചെയ്തത്. ഇയാള് ഐഎസ്ഐ ഏജന്റാണെന്നും സംശയിക്കപ്പെടുന്നു. ബ്രഹ്മോസ് യൂണിറ്റില് നാല് വര്ഷമായി ഇയാള് ജോലി ചെയ്ത് വരികയായിരുന്നു.
ഉത്തര് പ്രദേശ്, മഹാരാഷ്ട്ര എ.ടി.എസ് സംഘങ്ങളുടെ സംയുക്ത നീക്കത്തിലാണ് ഇയാള് പിടിയിലായത്. ബ്രഹ്മോസ് മിസൈലിന്റെ അതീവ രഹസ്യ സ്വഭാവമുള്ള പല വിവരങ്ങളും അഗര്വാളിന് ലഭ്യമായിരുന്നെന്ന് പോലീസ് പറഞ്ഞു. അഗര്വാളിന്റെ പ്രവര്ത്തനരീതികള് ഉള്പ്പെടെ കൂടുതല് വിവരങ്ങള് അന്വേഷിച്ച് വരികയാണെന്നും എടിഎസ് വ്യക്തമാക്കി.
പ്രതികരിക്കാൻ ഇവിടെ എഴുതുക: