കണ്ണൂര്: സംസ്ഥാന സര്ക്കാരിന്റെ മനുഷ്യാവകാശ ധ്വംസനത്തിനെതിരെ ബിഎംഎസ് സംസ്ഥാന വ്യാപകമായി ജില്ലാ ആസ്ഥാനങ്ങളില് നടത്തുന്ന രാപ്പകല് സമരത്തിന്റെ ഭാഗമായി കണ്ണൂരില് 10,11 തീയ്യതികളില് രാപ്പകല് സമരം നടത്തുമെന്ന് ബിഎംഎസ് ജില്ലാ ഭാരവാഹികള് വാര്ത്താ സമ്മേളനത്തില് അറിയിച്ചു. ആയുഷ്മാന് ഭാരത് പദ്ധതിയില് കേരളം ഒപ്പുവെയ്ക്കുക, പ്രളയ ദുരിതാശ്വാസമായി പ്രഖ്യാപിച്ച ധനസഹായം ഉടന് വിതരണം ചെയ്യുക, ധനസഹായത്തിലെ വിവേചനം അവസാനിപ്പിക്കുക, നിര്ബന്ധിത പിരിവും ഭീഷണിയും അവസാനിപ്പിക്കുക, പ്രളയത്തിന്റെ മറവിലുളള സര്ക്കാരിന്റെ പിടിച്ചുപറി അവസാനിപ്പിക്കുക, നിര്ത്തലാക്കിയ സാമൂഹ്യ ക്ഷേമ പെന്ഷനുകള് പുനരാരംഭിക്കുക, ക്ഷേമ പെന്ഷനുകള് അട്ടിമറിക്കാനുളള നീക്കത്തില് നിന്നും സര്ക്കാര് പിന്വാങ്ങുക, പെട്രോളിയം ഉല്പ്പന്നങ്ങളെ ജിഎസ്ടിയുടെ പരിധിയില് ഉള്പ്പെടുത്താന് സംസ്ഥാന സര്ക്കാര് അനുകൂല നിലപാട് സ്വീകരിക്കുക, കെഎസ്ആര്ടിസിയെ സ്വാകാര്യവല്ക്കരിക്കാനുളള നിന്നും പിന്തിരിയുക, ജീവനക്കാരേയും സ്ഥാപനത്തേയും രക്ഷിക്കുക എന്നീ ആവശ്യങ്ങള് ഉന്നയിച്ചാണ് രാപ്പകല് സമരം.
സ്റ്റേഡിയം പവലിയനില് നടക്കുന്ന സമരം 10 ന് രാവിലെ 11 മണിക്ക് ബിഎംഎസ് സംസ്ഥാന സെക്രട്ടറി വി.വി.ബാലകൃഷ്ണന് ഉദ്ഘാടനം ചെയ്യും. ബിഎംഎസ് സംസ്ഥാന-ജില്ലാ നേതാക്കള് സംബന്ധിക്കും. സമാപന സമ്മേളനം 11 ന് രാവിലെ 11 മണിക്ക് ബിഎംഎസ് സംസ്ഥാന സെക്രട്ടറി ആര്.രഘുരാജ് ഉദ്ഘാടനം ചെയ്യും.
പ്രതികരിക്കാൻ ഇവിടെ എഴുതുക: