തിരുവനന്തപുരം: അയ്യപ്പധര്മ സംരക്ഷണസമിതി പന്തളം കൊട്ടാരത്തിന്റെ നേതൃത്വത്തില് ഇന്ന് രാവിലെ ഒന്പത് മുതല് സെക്രട്ടേറിയറ്റ് നടയില് ഏകദിന നാമജപയജ്ഞം നടത്തുമെന്ന് ചെയര്മാന് എസ്. കൃഷ്ണകുമാര് വാര്ത്താ സമ്മേളനത്തില് പറഞ്ഞു.
അമ്പലപ്പുഴ ആലങ്ങാട്ട് സംഘങ്ങള്, തിരുവാഭരണവാഹക സ്വാമിമാര്, പടക്കുറുപ്പുമാര്, നായാട്ടുവിളി സ്വാമിമാര്, ഗുരുതിപൂജ സ്വാമിമാര്, ക്ഷേത്ര ഉപദേശകസമിതിഅംഗങ്ങള്, മുന് മേല്ശാന്തിമാര്, തന്ത്രിമാര്, അയ്യപ്പസേവാ സമാജം, വിവിധ ഹിന്ദുസംഘടനകള്, സമുദായസംഘടനകള് തുടങ്ങി അയ്യപ്പഭക്തര് ഉള്പ്പെടെയുള്ള വിശ്വാസി സമൂഹം പ്രാര്ഥനയില് പങ്കെടുക്കും. ഏകദിന നാമജപയജ്ഞം പന്തളം കൊട്ടാരം നിര്വാഹകസംഘം പ്രസിഡന്റ് മൂലം തിരുനാള് പി.ജി. ശശികുമാരവര്മ്മ ഉദ്ഘാടനം ചെയ്യും.
സ്ത്രീകളുടെ നാമജപമുന്നേറ്റം കണ്ടില്ലെന്നു നടിക്കാനാകില്ല.ക്ഷേത്രത്തിന്റെ സംരക്ഷകര് എന്ന നിലയില് ദേവസ്വംബോര്ഡ് പുനഃപരിശോധനാഹര്ജി നല്കേണ്ടതാണെന്നും അദ്ദേഹം പറഞ്ഞു. സമിതി ഉപാദ്ധ്യക്ഷന് ദിനേശ്വര്മ്മയും വാര്ത്താസമ്മേളനത്തില് പങ്കെടുത്തു.
പ്രതികരിക്കാൻ ഇവിടെ എഴുതുക: