ചെന്നൈ: എയര് ഇന്ത്യ എക്സ്പ്രസ് വിമാനം പറന്നുയരുന്നതിനിടെ വിമാനത്താവളത്തിന്റെ മതിലിടിച്ച് തകര്ത്തു. 136 യാത്രക്കാരുമായി തൃശിനാപ്പള്ളിയില് നിന്നും ദുബായിലേക്കുള്ള എയര് ഇന്ത്യ എക്സ്പ്രസാണ് വിമാനത്താവളത്തിന്റെ ചുറ്റുമതിലില് ഇടിച്ചത്.
വെള്ളിയാഴ്ച പുലര്ച്ച 1.20 ഓടെയാണ് സംഭവം. വിമാനത്തിന്റെ പിന് ചക്രങ്ങളാണ് മതിലില് ഇടിച്ചത്. ഇടിയില് മതിലിന്റെ ഒരു ഭാഗം തകര്ന്നതിനൊപ്പം വിമാനത്താവളത്തിലെ ആന്റിനയും മറ്റു ഉപകരണങ്ങളും തകര്ന്നിട്ടുണ്ട്.
സംഭവത്തില് വിമാനത്താവള അധികൃതര് അന്വേഷണം പ്രഖ്യാപിച്ചിട്ടുണ്ട്. പൈലറ്റിനെയടക്കം ചോദ്യം ചെയ്ത് വരികയാണ്. യാത്രക്കാരെ ദുബായിലേക്ക് എത്തിക്കാനായി മറ്റൊരു വിമാനം സജ്ജീകരിച്ച് നല്കിയതായി എയര് ഇന്ത്യ അധികൃതര് പറഞ്ഞു.
പ്രതികരിക്കാൻ ഇവിടെ എഴുതുക: