തളിപ്പറമ്പ്: തളിപ്പറമ്പ് പെരുംചെല്ലൂര് സംഗീത സഭയുടെ നേതൃത്വത്തിലുള്ള മൂന്നാമത്തെ നവരാത്രി സംഗീതോത്സവത്തിന്റെ അഞ്ചാം ദിനത്തില് കര്ണാടിക് സംഗീതലോകത്തെ യുവ ശബ്ദം ഹരികൃഷ്ണന് മൂഴിക്കുളം ശുദ്ധസംഗീതത്തെ കരുത്തറിയിച്ചു. സ്വാമി നിന്നുകോരി എന്ന ശ്രീരാഗ വര്ണത്തോടെ കച്ചേരി ആരംഭിച്ചു. തുടര്ന്ന് നാട്ട രാഗത്തില് ഉള്ള സരസീരുഹാസനപ്രിയേ എന്ന കീര്ത്തനം ആലപിച്ചു. നവരാത്രി അഞ്ചാം ദിവസം ദീക്ഷിത കൃതിയായ ഭൈരവി രാഗത്തിലുഉള്ള ജനനി മാമവ എന്ന കൃതിയാണ് മുഖ്യ കൃതിയായി ആലപിച്ചത്.
കീര്ത്തനങ്ങള് ആലപിച്ചു കഴിഞ്ഞപ്പോള് ആസ്വാദകര് ശുദ്ധസംഗീതത്തിന്റെ സുഖമറിഞ്ഞു. യുവ കലാകാരന്മാരായ വയലിനില് വി.എസ്.ഗോകുല്, മൃദംഗത്തില് അക്ഷയ് ആനന്ദ്, മോര്സിങ്ങില് പി.രാജീവ് ഗോപാല് കച്ചേരിക്ക് അകമ്പടിയായി. പെരുംചെല്ലൂര് സംഗീത സഭയുടെ സ്ഥാപകന് വിജയ് നീലകണ്ഠന് സ്വാഗതം പറഞ്ഞു.
പ്രതികരിക്കാൻ ഇവിടെ എഴുതുക: