തിരുവനന്തപുരം : സിനിമ നടന് അലന്സിയറിനെതിരെ മീ ടു ആരോപണം ഉന്നയിച്ചത് താനാണെന്ന് വ്യക്തമാക്കി യുവനടി ദിവ്യ ഗോപിനാഥ് . തന്റെ ഫേസ്ബുക്ക് പേജിലാണ് വിവരങ്ങള് തുറന്നു പറയുന്ന വീഡിയോ ദിവ്യ ഗോപിനാഥ് പുറത്തു വിട്ടത്.
അലന്സിയര് മറ്റു സെറ്റുകളിലും സ്ത്രീകളോട് മോശമായി പെരുമാറുന്ന ആളാണെന്ന് പല സ്ത്രീകളും വ്യക്തമാക്കിയിട്ടുണ്ട്. ആദ്യം അയാള് മാനസികമായുള്ള പ്രശ്നം കൊണ്ടാണ് പറ്റിപ്പോയതെന്ന് പറഞ്ഞ് തന്നോട് മാപ്പു പറഞ്ഞിരുന്നു. എന്നാല് അയാള് അങ്ങനെയല്ലെന്ന് വ്യക്തമാക്കുന്ന രീതിയില് സ്ത്രീകള് പറയുന്നതിന്റെ ഓഡിയോ ക്ലിപ്പുകള് തന്റെ പക്കലുണ്ടെന്നും ദിവ്യ വീഡിയോയില് വ്യക്തമാക്കി.
തുറന്നു പറയുന്ന പെണ്കുട്ടികള്ക്കെതിരെ അസഭ്യം പറയുന്നവര്ക്കെതിരെയും ദിവ്യ പ്രതികരിച്ചു. ഇത് എല്ലായിടത്തും സംഭവിക്കുന്നതായിരിക്കാം . പക്ഷേ ഇത് നേരിട്ടേ മതിയാകൂ. ഇങ്ങനെയൊന്ന് സംഭവിച്ചാല് രാജി വച്ച് പോകേണ്ടവരല്ല സ്ത്രീകള് എന്നും അവര് വ്യക്തമാക്കി.
നടന് അലന്സിയറില് നിന്നും നിരവധി തവണ മോശം അനുഭവം ഉണ്ടായെന്ന വെളിപ്പെടുത്തലുമായി പുതുമുഖ നടിയാണ് ഇന്നലെ രംഗത്തെത്തിയത്. പ്രമുഖ ട്വിറ്റര് ഹാന്ഡിലായ ഇന്ത്യ പ്രൊട്ടസ്റ്റിലൂടെയാണ് പേര് വെളിപ്പെടുത്താത്ത നടിയുടെ വെളിപ്പെടുത്തല് പുറത്ത് വന്നത്. എന്നാല് ഇക്കാര്യത്തോട് ഇതുവരെ അലന്സിയര് ഔദ്യോഗികമായി പ്രതികരിച്ചിട്ടില്ല.
തന്റെ നാലാമത്തെയും അലന്സിയറോടൊത്തുള്ള ആദ്യത്തെയും അവസാനത്തെയും സിനിമയ്ക്കിടയിലാണ് താരത്തില് നിന്നും മോശം അനുഭവം ഉണ്ടായത്. ഒരു തവണ ഭക്ഷണം കഴിച്ചുകൊണ്ടിരിക്കുമ്ബോള് തന്റെ മാറിടത്തില് നോക്കിയിരുന്നാണ് അദ്ദേഹം സംസാരിച്ചിരുന്നത്.
മറ്റൊരിക്കല് തന്റെ മുറിയിലേക്ക് മദ്യപിച്ച് കടന്ന് വന്ന് നാടകത്തെക്കുറിച്ചൊക്കെ വാതോരാതെ സംസാരിച്ചു. അന്ന് തന്നെ ഉപദ്രവിക്കാന് ശ്രമിച്ചപ്പോള് രക്ഷിച്ചത് സിനിമയുടെ അസിസ്റ്റന്റ് സംവിധായകരില് ഒരാളായിരുന്നു. ആര്ത്തവ സമയത്ത് ശാരീരിക അവശതകള് മൂലം ബുദ്ധിമുട്ടുന്ന സമയത്തായിരുന്നു ഈ ദുരനുഭവം.
പിന്നീടൊരിക്കല് മുതിര്ന്ന നടിയോടൊപ്പം തന്റെ മുറിയിലെത്തിയ അലന്സിയര് സ്ത്രീ ശരീരത്തെക്കുറിച്ചൊക്കെ മോശമായി സംസാരിച്ചു. പിന്നീടൊരിക്കല് മുറിയില് ഉറങ്ങിക്കിടന്ന തന്റെ കിടക്കയില് അലന്സിയര് കയറി കിടക്കെന്നും എഴുന്നേറ്റ് പോകാന് ശ്രമിച്ച തന്റെ കയ്യില് പിടിച്ച് കിടക്കയിലേക്ക് ഇടാന് ശ്രമിച്ചുവെന്നും നടി ആരോപിക്കുന്നു. എന്നാല് തുടക്കക്കാരിയായതിനാലും ഇപ്പോഴും ഈ ഫീല്ഡില് നില്ക്കാന് കഷ്ടപ്പെടുകയും ചെയ്യുന്നയാളെന്ന നിലയിലാണ് തന്റെ പേര് വെളിപ്പെടുത്താത്തത്. തന്റെ വെളിപ്പെടുത്തലിന് പിന്നാലെ അലന്സിയര്ക്കെതിരെ കൂടുതല് പേര് രംഗത്ത് വരുമെന്നും നടി വിശദീകരിച്ചു.
പ്രതികരിക്കാൻ ഇവിടെ എഴുതുക: