കോഴിക്കോട്: ചില മത സംഘടനകള് തനിക്കെതിരെ വധഭീഷണി മുഴക്കുകയും സമൂഹമാധ്യമങ്ങളിലൂടെ അശ്ലീല പ്രചാരണം നടത്തുകയും ചെയ്യുന്നതിനെതിരെ നടപടി ആവശ്യപ്പെട്ട് നിസ ചെയര്പേഴ്സണ് വി.പി. സുഹറ കോഴിക്കോട് സിറ്റി പോലീസ് കമ്മീഷണര്ക്ക് പരാതി നല്കി. മുസ്ലിം സ്ത്രീകള്ക്ക് പള്ളികളില് പ്രവേശനം ആവശ്യപ്പെട്ട് കോടതിയെ സമീപിക്കുമെന്ന് വി.പി. സുഹറ പ്രസ്താവനയിറക്കിയതോടെയാണ് സാമൂഹിക മാധ്യമങ്ങളില് സുന്നി സംഘടനകളില്പെട്ടവര് അവര്ക്കെതിരെ അശ്ശീല വര്ഷവും വധഭീഷണിയും മുഴക്കിയത്.
നാല്പ്പത് വര്ഷമായി പൊതുരംഗത്ത് സജീവമായി പ്രവര്ത്തിക്കുന്ന തനിക്കെതിരെ ഒരു വ്യക്തിയെന്ന നിലയിലും സ്ത്രീ എന്ന രീതിയിലും ചില മത സംഘടനകള് വധഭീഷണിയും അശ്ലീല പരാമര്ശങ്ങളും നടത്തുകയാണെന്ന് അവര് പരാതിയില് പറഞ്ഞു. എന്നാല്, ഇത്തരം ഭീഷണികളും പ്രചാരണങ്ങളും കൊണ്ട് തന്റെ പ്രവര്ത്തനം തടയാന് കഴിയില്ലെന്നും താന് പിന്നോട്ടില്ലെന്നും അവര് ജന്മഭൂമിയോട് പറഞ്ഞു.
പ്രതികരിക്കാൻ ഇവിടെ എഴുതുക: