കൊളംബോ: തന്നെ വധിക്കാന് ഇന്ത്യയുടെ രഹസ്യാന്വേഷണ ഏജന്സിയായ റോ ശ്രമിക്കുന്നതായി വിവരം ലഭിച്ചെന്ന് ശ്രീലങ്കയുടെ പ്രസിഡന്റ് എം. സിരിസേന. മന്ത്രിസഭാ യോഗത്തില് പ്രസിഡന്റ് ഇക്കാര്യം പറഞ്ഞതായാണ് റിപ്പോര്ട്ട്. എന്നാല് പ്രധാനമന്ത്രി നരേന്ദ്ര മോദി അറിഞ്ഞിട്ടാണോ ഇതെന്ന് വ്യക്തമല്ലെന്നും സിരിസേന പറഞ്ഞതായും റിപ്പോര്ട്ടിലുണ്ട്.
ശ്രീലങ്കയുടെ പ്രധാനമന്ത്രി റണില് വിക്രമസിംഹയുടെ ഇന്ത്യാ സന്ദര്ശനത്തിന് തൊട്ടു മുമ്പായാണ് സിരിസേനയുടെ ആരോപണം. പ്രസിഡന്റിന്റെ ആരോപണത്തെക്കുറിച്ച് ശ്രീലങ്കന് സര്ക്കാര് ഔദ്യോഗികമായി പ്രതികരിച്ചിട്ടില്ല.
കഴിഞ്ഞ മാസം സിരിസേനയെ വധിക്കാന് ശ്രമിച്ചുവെന്ന കുറ്റത്തിന് നമല് കുമാര എന്നയാളെ അറസ്റ്റ് ചെയ്തതായി റിപ്പോര്ട്ടുണ്ടായിരുന്നു. എന്നാല് ലങ്കന് സര്ക്കാര് ഇക്കാര്യം നിഷേധിക്കുകയായിരുന്നു.
പ്രതികരിക്കാൻ ഇവിടെ എഴുതുക: