പത്തനംതിട്ട : യുവതികള് സന്നിധാനത്ത് പ്രവേശിച്ചാല് നടയടച്ചിറങ്ങുമെന്ന ശബരിമല തന്ത്രിയുടെ പ്രസ്താവനവനയെ വിമര്ശിച്ച് ദേവസ്വം ബോര്ഡ് അംഗം കെ പി ശങ്കര്ദാസ്. ആചാരങ്ങള് ലംഘിച്ചാല് നടയടയ്ക്കുമെന്ന തന്ത്രി കണ്ഠരര് രാജീവരുടെ സമീപനത്തോട് യോജിപ്പില്ലെന്നും പരികര്മികളുടെ പ്രതിഷേധം ക്ഷേത്രത്തിന് കളങ്കം വരുത്തിയെന്നും അദ്ദേഹം കുറ്റപ്പെടുത്തി.
പന്തളം കൊട്ടാരത്തിലുള്ളവര് പറയുന്നത് തന്ത്രി അനുസരിക്കണമെന്നില്ല. തന്ത്രിക്ക് തോന്നുമ്പോള് നടയടച്ച് പോകാനുള്ള സ്ഥലമല്ല ശബരിമല. പൂജയില് മേല്ശാന്തിമാരെ സഹായിക്കാന് വേണ്ടിയാണ് പരികര്മ്മികളുള്ളത്. അവരുടെ ജോലി സമരം ചെയ്യല്ല. അതുകൊണ്ടാണ് അവരോട് വിശദീകരണം ചോദിച്ചുട്ടുണ്ടെന്നും ശങ്കര്ദാസ് പറഞ്ഞു.
രഹ്ന ഫാത്തിമ സന്നിധാനത്ത് എത്തിയതിന് പിന്നില് ഗൂഢാലോചനയുണ്ടെന്ന് കരുതുന്നു. ശബരിമലയിലെ സ്ഥിതിവിശേഷം എത്രയും വേഗം സുപ്രീംകോടതിയെ അറിയിക്കുമെന്നും സമവായത്തിന്റ പാത അടഞ്ഞിട്ടില്ലെന്നും ശങ്കര്ദാസ് പറഞ്ഞു.
അതേസമയം, ആചാരം ലംഘിച്ചാല് നടയടക്കുമെന്ന തന്ത്രിയുടെ പ്രസ്താവനയെ പിന്തുണച്ച് മാളികപ്പുറം മേല്ശാന്തി. ശബരിമല നടയടച്ചിടുമെന്ന തന്ത്രിയുടെ പ്രസ്താവനയില് തെറ്റില്ലെന്ന് മാളികപ്പുറം മേല്ശാന്തി അനീഷ് നമ്പൂതിരി പറഞ്ഞു.
പ്രതികരിക്കാൻ ഇവിടെ എഴുതുക: