ഇംഫാല്: ഐ ലീഗ് ഫുട്ബോളില് ഗോകുലം കേരള എഫ്സി ഇന്ന് സീസണിലെ ആദ്യ എവേ മത്സരത്തിനിറങ്ങുന്നു. ഇംഫാലിലെ ഖുമാന് ലാംബക് മെയിന് സ്റ്റേഡിയത്തില് നടക്കുന്ന പോരാട്ടത്തില് നെറോക്ക എഫ്സിയാണ് എതിരാളികള്. രണ്ടാം മത്സരത്തിന് ഇറങ്ങുന്നു. കോഴിക്കോട് കോര്പ്പറേഷന് സ്റ്റേറഡിയത്തില് കഴിഞ്ഞ ദിവസം നടന്ന ആദ്യ മത്സരത്തില് കരുത്തരായ മോഹന്ബഗാനെ 1-1ന് സമനിലയില് തളച്ചതിന്റെ ആത്മവിശ്വാസത്തിലാണ് ഗോകുലം കേരള എഫ്സി ഇന്ന് വീണ്ടും മൈതാനത്തിറങ്ങുന്നത്.
അതേസമയം സൂപ്പര്താരം അന്റോണിയോ ജര്മന് ഇന്ന് കളിക്കാനിടയില്ല. പരിക്കാണ് ജര്മന് തിരിച്ചടിയായത്. കഴിഞ്ഞ കളിയില് പകരക്കാരായിരുന്ന പ്രീതം സിങും മലയാളി താരം എസ്. രാജേഷും ആദ്യ ഇലവനില് തന്നെ ഇറങ്ങിയേയക്കും. നെരോക്കയുെട താരമായിരുന്ന പ്രീതം സിങ് കഴിഞ്ഞ വര്ഷം ഗോകുലത്തിനെതിരെ ഗോള് നേടിയിരുന്നു. കഴിഞ്ഞ സീസണില് രണ്ട് മത്സരങ്ങളിലും നെരോക്കയോട് തോല്ക്കാനായിരുന്നു ഗോകുലത്തിന്റെ വിധി. ആ തോല്വിക്ക് പകരം വീട്ടാനുള്ള അവസരമാണ് ഇന്ന് ഗോകുലത്തിനെ കാത്തിരിക്കുന്നത്.
അര്ജുന് ജയരാജ്, ക്യാപ്റ്റന് മുഡെ മൂസ തുടങ്ങിയ താരങ്ങളെല്ലാം ഫോമിലാണ്. ബഗാനെതിരായ മത്സരത്തിലെ പിഴവുകള് പരിഹരിച്ചായിരിക്കും ടീം ഇന്ന് മൈതാനത്തിറങ്ങുന്നതെന്ന് ഗോകുലം കോച്ച് ബിനോ ജോര്ജ് പറഞ്ഞു. നെരോക്കക്കെതിരായ കളിയില് വിജയം മാത്രമാണ് ലക്ഷ്യെമന്ന് ഗോകുലം വൈസ് ക്യാപ്റ്റന് മുഹമ്മദ് റാഷിദ് പറഞ്ഞു.
ആദ്യ മത്സരത്തില് ഈസ്റ്റ് ബംഗാള് 2-0ന് നെരോക്കയെ തോല്പ്പിച്ചിരുന്നു.
പ്രതികരിക്കാൻ ഇവിടെ എഴുതുക: