പള്ളിക്കുന്ന്: പള്ളിക്കുന്ന് രാധാവിലാസം യുപി സ്കൂളില് കേനന്നൂര് റൗണ്ട് ടേബിള് 165 ന്റെ സഹകരണത്തോടെ നിര്മ്മിച്ച പുതിയ കെട്ടിടത്തിലെ ആറ് ക്ലാസ്സ് മുറികളുടെ ഉദ്ഘാടനം ജില്ലാ കളക്ടര് മീര് മുഹമ്മദലിയും സഭാഗൃഹത്തിന്റെ ഉദ്ഘാടനം കണ്ണൂര് കോര്പ്പറേഷന് ഡെപ്യൂട്ടി മേയര് പി.കെ.രാഗേഷും നിര്വ്വഹിച്ചു.
വിദ്യാര്ത്ഥികളുടെ മാനസിക വളര്ച്ചയ്ക്കുതകുന്ന പരിശീലനങ്ങളില് അധ്യാപകര് കൂടുതല് പ്രധാന്യം നല്കണമെന്ന് ജില്ലാ കളക്ടര് മീര് മുഹമ്മദലി പറഞ്ഞു. സാമൂഹ്യ ബോധമുള്ള കരുത്തുറ്റ യുവതലമുറയെ വളര്ത്തിയെടുക്കാന് അത്തരം പരിശീലനങ്ങള് അനിവാര്യമാണെന്ന് കളക്ടര് വ്യക്തമാക്കി. രാധാവിലാസം യുപി സ്കൂള് മാനേജര് രവീന്ദ്ര നാഥ് ചേലേരി അദ്ധ്യക്ഷത വഹിച്ചു. റൗണ്ട് ടേബിള് ഇന്ത്യാ ഏരിയ 7 ചെയര്മാന് ടാബഌ അശ്വിന്കുമാര് എല്എംഎഫ് മുഖ്യാതിഥിയായിരുന്നു. പ്രഗതി കോളേജ് പ്രിന്സിപ്പള് വത്സന് തില്ലങ്കേരി മുഖ്യപ്രഭാഷണം നടത്തി. കോര്പ്പറേഷന് വിദ്യാഭ്യാസ സ്റ്റാന്റിംഗ് കമ്മറ്റി ചെയര്പേഴ്സണ് ഷാഹിന മൊയ്തീന്, കൗണ്സിലര്മാരായ ടി.കെ.വസന്ത, കെ.രതി, പാപ്പിനിശ്ശേരി ബിപിഒ ശിവദാസന് മാസ്റ്റര്, പിടിഎ പ്രസിഡണ്ട് ടി.ജയപ്രകാശന്, എസ്എസ്ജി ചെയര്മാന് പി.ടി.സഗുണന്, റൗണ്ട് ടേബിള് എഎസ്ടി ഏരിയ 7 പ്രദീപ് രാജപ്പ എല്എംഎഫ്, കേനനൂര് ചെയര്മാന് ദീപേഷ് ദാമോദരന് എല്എംഎഫ്, മദര് പിടിഎ പ്രസിഡണ്ട് റിജിന സന്ദീപ്, പള്ളിക്കുന്ന് കാരുണ്യ ചാരിറ്റബിള് ട്രസ്റ്റ് സെക്രട്ടറി പ്രേംകുമാര് എന്നിവര് സംസാരിച്ചു. രാധാവിലാസം യുപി സ്കൂള് പ്രധാനാധ്യാപകന് യു.കെ.ദിവാകരന് സ്വാഗതവും സ്റ്റാഫ് സെക്രട്ടറി എ.കെ.അജിത നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: