ന്യൂദല്ഹി സുപ്രീംകോടതിയില് പുതിയതായി നിയമിക്കപ്പെട്ട നാല് ജഡ്ജിമാര് സത്യപ്രതിജ്ഞ ചെയ്തു. ഇതോടെ സുപ്രിംകോടതി ജഡ്ജിമാരുടെ എണ്ണം 28 ആയി.
മധ്യപ്രദേശ് ഹൈക്കോടതി ചീഫ് ജസ്റ്റിസായിരുന്ന ജസ്റ്റിസ് ഹേമന്ത് ഗുപ്ത, ഗുജറാത്ത് ഹൈക്കോടതി ചീഫ്ജസ്റ്റീസായിരുന്ന ആര്. സുഭാഷ് റെഡ്ഡി, പാട്ന ഹൈക്കോടതി ചീഫ് ജസ്റ്റിസായിരുന്ന എം. ആര്. ഷാ, ത്രിപുര ഹൈക്കോടതി ചീഫ് ജസ്റ്റിസായിരുന്ന അജയ് രസ്തോഗി എന്നിവരാണ് പുതിയതായി സത്യപ്രതിജ്ഞ ചെയ്തത്. ജസ്റ്റിസുമാരുടെ എണ്ണം ഉയര്ത്തണമെന്ന ഉന്നത കോടതിയുടെ നിര്ദ്ദേശം വ്യാഴാഴ്ച രാഷ്ട്രപതി അംഗീകാരം നല്കുകയായിരുന്നു.
ഇന്ന് രാവിലെ 10.30ന് സുപ്രീംകോടതിയില് വെച്ചു നടന്ന ചടങ്ങില് ചീഫ് ജസ്റ്റിസ് രഞ്ജന് ഗൊഗോയ് സത്യവാചകം ചൊല്ലിക്കൊടുത്തു. ഇനി മൂന്ന് ജഡ്ജി മാരുടെ കൂടി ഒഴിവ് സുപ്രീംകോടതിയില് ഉണ്ട്.
പ്രതികരിക്കാൻ ഇവിടെ എഴുതുക: