തിരുവനന്തപുരം: സംസ്ഥാനത്തെ 14 ജില്ലകളിലെ 39 തദ്ദേശസ്വയംഭരണ വാര്ഡുകളില് നവംബര് 29-ന് ഉപതെരഞ്ഞെടുപ്പ് നടക്കും. 12 ജില്ലകളിലെ 27 ഗ്രാമപഞ്ചായത്ത് വാര്ഡുകളിലും, എറണാകുളം, പാലക്കാട്, മലപ്പുറം, കോഴിക്കോട്, കണ്ണൂര് ജില്ലകളിലെ ഓരോ ബ്ലോക്ക്പഞ്ചായത്ത് വാര്ഡുകളിലും, പത്തനംതിട്ട ജില്ലയിലെ രണ്ട്, എറണാകുളം, തൃശ്ശൂര്, മലപ്പുറം, വയനാട് ജില്ലകളിലെ ഓരോ നഗരസഭാ വാര്ഡുകളിലും തിരുവനന്തപുരം കോര്പ്പറേഷനിലെ ഒരു വാര്ഡിലുമാണ് നവംബര് 29-ന് ഉപതെരഞ്ഞെടുപ്പ് നടക്കുക.
പെരുമാറ്റചട്ടം നിലവില് വന്നു. തിരഞ്ഞെടുപ്പ് വിജ്ഞാപനം ഈ മാസം 5-ന് പുറപ്പെടുവിക്കും, നാമനിര്ദ്ദേശ പത്രിക 12 വരെ സമര്പ്പിക്കാം. സൂക്ഷ്മപരിശോധന 13-ന് നടക്കും. സ്ഥാനാര്ത്ഥിത്വം പിന്വലിക്കാനുള്ള അവസാന ദിവസം 15 ആണ്. വോട്ടെടുപ്പ് നവംബര് 29-ന് രാവിലെ 7 മണിക്ക് ആരംഭിച്ച് വൈകിട്ട് 5-ന് അവസാനിക്കും. വോട്ടെണ്ണല് 30-ന് രാവിലെ 10-ന് നടക്കുമെന്ന് സംസ്ഥാന തെരഞ്ഞെടുപ്പ് കമ്മിഷണര് വി. ഭാസ്കരന് അറിയിച്ചു.
പ്രതികരിക്കാൻ ഇവിടെ എഴുതുക: