മുഖ്യാതിഥിയാക്കിയില്ല, ഹെഡ്മാസ്റ്റര്‍ക്ക് നേരെ ഗണേശ് കുമാര്‍ എംഎല്‍എയുടെ കൈയേറ്റശ്രമം

Saturday 10 November 2018 11:48 am IST
പരിപാടിയില്‍ മുഖ്യാതിഥിയായി ഗണേഷ് കുമാറിനെ ക്ഷണിക്കാതെ മന്ത്രി കെ.രാജുവിനെ ക്ഷണിച്ചതാണ് എം.എല്‍.എയെ പ്രകോപിപ്പിച്ചതെന്ന് ഹെഡ്മാസ്റ്റര്‍ വ്യക്തമാക്കി. ഉദ്ഘാടകനാക്കാത്തതിനാല്‍ പരിപാടിയില്‍ പങ്കെടുക്കാന്‍ താല്‍പര്യമില്ലെന്ന് ഗണേശ് കുമാര്‍ പറഞ്ഞിരുന്നുവെന്ന് ഹെഡ്മാസ്റ്റര്‍ പിന്നീട് പ്രതികരിച്ചു.

പത്തനാപുരം: സ്‌കൂളിലെ ശദാബ്ദി ആഘോഷങ്ങള്‍ക്കിടെ ഹെഡ്മാസ്റ്റര്‍ക്ക് നേരെ കെ.ബി ഗണേശ് കുമാര്‍ എംഎല്‍എയുടെ കൈയേറ്റ ശ്രമം. കൊല്ലത്തെ മാലൂര്‍ സര്‍ക്കാര്‍ യു.പി സ്‌കൂളിലെ ശതാബ്ദി ആഘോഷങ്ങളുടെ ഭാഗമായി സംഘടിപ്പിച്ച യുവജന സമ്മേളനത്തിനിടെയാണ് ഹെഡ്മാസ്റ്ററും എംഎല്‍എയും തമ്മില്‍ കൈയേറ്റം നടന്നത്.

ഹെഡ്മാസ്റ്റര്‍ സി.വിജയകുമാറിനെതിരെ എംഎല്‍എ നടത്തിയ ആരോപണമാണ് പ്രശ്‌നങ്ങള്‍ക്ക് കാരണം. എംഎല്‍എയുടെ പ്രസംഗശേഷം സ്‌കൂള്‍ വികസനവുമായി ബന്ധപ്പെട്ട നിവേദനം നല്‍കാന്‍ ഹെഡ്മാസ്റ്ററേയും പിടിഎ പ്രസിഡന്റിനേയും പഞ്ചായത്ത് പ്രസിഡന്റിനേയും ക്ഷണിച്ചതോടെ എംഎല്‍എ പ്രകോപിതനായി. തുടര്‍ന്ന് ഹെഡ്മാസ്റ്റര്‍ തനിക്ക് പരാതി നല്‍കേണ്ട ആവശ്യമില്ലെന്ന് എംഎല്‍എയും നിലപാട് എടുത്തതോടെ ഇരവരും തമ്മില്‍ രൂക്ഷമായ വാക്കേറ്റം ഉണ്ടായി.

അതേസമയം, പരിപാടിയില്‍ മുഖ്യാതിഥിയായി ഗണേഷ് കുമാറിനെ ക്ഷണിക്കാതെ മന്ത്രി കെ.രാജുവിനെ ക്ഷണിച്ചതാണ് എം.എല്‍.എയെ പ്രകോപിപ്പിച്ചതെന്ന് ഹെഡ്മാസ്റ്റര്‍ വ്യക്തമാക്കി. ഉദ്ഘാടകനാക്കാത്തതിനാല്‍ പരിപാടിയില്‍ പങ്കെടുക്കാന്‍ താല്‍പര്യമില്ലെന്ന് ഗണേശ് കുമാര്‍ പറഞ്ഞിരുന്നുവെന്ന് ഹെഡ്മാസ്റ്റര്‍ പിന്നീട് പ്രതികരിച്ചു.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.