ന്യൂദല്ഹി: അന്തരിച്ച കേന്ദ്രമന്ത്രി അനന്ത് കുമാറിന്റെ ഓര്മ്മകള്ക്ക് മുന്നില് പ്രണാമമര്പ്പിച്ച് പ്രധാനമന്ത്രി നരേന്ദ്ര മോദി. സഹാനുഭൂതി,സഹവര്ത്തിത്വം,അനുകമ്പ എന്നീ മൂല്യങ്ങളെ ഉള്ക്കൊണ്ടായിരുന്നു അനന്ത് കുമാറിന്റെ സാമൂഹ്യ സേവനങ്ങളെന്ന് പ്രധാനമന്ത്രി ഓര്മ്മിച്ചു.
ചെറുപ്പകാലത്ത് തന്നെ പൊതുജീവിതത്തിലിറങ്ങിയ അദ്ദേഹം തന്റെ പ്രവൃത്തികളുടെ പേരില് എക്കാലവും ഓര്മ്മിക്കപ്പെടും. വളരെ ആഴത്തിലുള്ള സൗഹൃദമായിരുന്നു തനിക്ക് അദ്ദേഹവുമായുള്ളത്. പല സുപ്രധാന ഘട്ടങ്ങളിലും പാര്ട്ടിയോട് ചേര്ന്ന് പ്രവര്ത്തിച്ച അദ്ദേഹം കര്ണാടകയിലും,മറ്റ് പ്രദേശങ്ങളിലും ബിജെപിയുടെ വളര്ച്ചയ്ക്ക് അസ്ഥിവാരമിടുന്നതില് പ്രധാന പങ്ക് വഹിച്ചു.
എക്കാലവും നല്ല ഓര്മ്മകള് നല്കി കൂടെ നിന്ന് അദ്ദേഹത്തിന്റെ കുടുംബത്തിന്റെ വേദനയില് പങ്കു ചേരുന്നതിനൊപ്പം തന്റെ സുഹൃത്തിന്റെ ആത്മശാന്തിക്കായി പ്രാര്ത്ഥിക്കുന്നുവെന്നും മോദി ട്വിറ്ററില് കുറിച്ചു.
അനന്ത് കുമാറിന്റെ മരണത്തില് രാഷ്ട്രപതി രാം നാഥ് കോവിന്ദ് അനുശോചനമറിയിച്ചു.അനന്ത്കുമാറിന്റെ മരണം പാര്ട്ടിയ്ക്കും,രാജ്യത്തിനും നികത്താനാകാത്ത നഷ്ടമാണെന്ന് ബിജെപി ദേശീയ അദ്ധ്യക്ഷന് അമിത് ഷാ പ്രസ്താവിച്ചു.
പ്രതികരിക്കാൻ ഇവിടെ എഴുതുക: