ന്യൂദല്ഹി: ശബരിമലയില് പ്രായഭേദമന്യേ സ്ത്രീകള്ക്ക് പ്രവേശിക്കാമെന്ന സുപ്രീംകോടതി വിധി നടപ്പാക്കുന്നത് തടഞ്ഞവര്ക്കെതിരായ കോടതിയലക്ഷ്യ ഹര്ജി സോളിസിറ്റര് ജനറല് തടഞ്ഞു. വിമര്ശനം കോടതിയലക്ഷ്യമല്ലെന്ന് സോളിസിറ്റര് ജനറല് തുഷാര് മേത്ത വ്യക്തമാക്കി.
ബിജെപി സംസ്ഥാന അധ്യക്ഷന് പി.എസ്. ശ്രീധരന്പിള്ള, തന്ത്രി കണ്ഠരര് രാജീവര്, പന്തളം രാജകുടുംബാംഗം, നടന് കൊല്ലം തുളസി, ആര്എസ്എസ് നേതാവ് മുരളീധരന് ഉണ്ണിത്താന് എന്നിവര്ക്കെതിരെയായിരുന്നു ഹര്ജി. ക്രിയാത്മക വിമര്ശനമാണ് ശ്രീധരന്പിള്ള നടത്തിയത്. മാധ്യമ റിപ്പോര്ട്ടിന്റെ പേരില് നടപടിയെടുക്കാന് സാധിക്കില്ലെന്നും തുഷാര് മേത്ത ചൂണ്ടിക്കാട്ടി. ശബരിമല കേസിലെ സുപ്രീംകോടതി ഭരണഘടനാ ബെഞ്ചിന്റെ വിധിയ്ക്കെതിരെ സംസാരിക്കുകയും സുപ്രീംകോടതിയ്ക്ക് എതിരെ പരസ്യമായി പ്രസംഗിക്കുകയും ചെയ്തുവെന്ന് ചൂണ്ടിക്കാട്ടിയാണ് ഇവര്ക്കെതിരെ കേസെടുക്കണമെന്ന് ആവശ്യപ്പെട്ട് അഭിഭാഷകരായ അഡ്വ. ഗീനാകുമാരി, അഡ്വ.വര്ഷ എന്നിവര് സുപ്രീംകോടതിയെ സമീപിച്ചത്.
സുപ്രീംകോടതിയില് കോടതിയലക്ഷ്യ ഹര്ജി ഫയല് ചെയ്യണമെങ്കില് അറ്റോര്ണി ജനറലിന്റെ അനുമതി വാങ്ങണം. അറ്റോര്ണി ജനറലിനാണ് ആദ്യം അപേക്ഷയുടെ പകര്പ്പ് നല്കിയത്. എന്നാല് ഇതില് നിന്ന് പിന്മാറിയ അറ്റോര്ണി ജനറല് കെ.കെ.വേണുഗോപാല് അപേക്ഷയില് നടപടിയെടുക്കാന് സോളിസിറ്റര് ജനറല് തുഷാര് മേത്തയെ ഏല്പ്പിക്കുകയായിരുന്നു. താന് മുമ്പ് തിരുവിതാംകൂര് ദേവസ്വം ബോര്ഡിന് വേണ്ടി ഹാജരായിട്ടുണ്ടെന്ന് കാണിച്ചാണ് കെ.കെ.വേണുഗോപാല് പിന്മാറിയത്.
പ്രതികരിക്കാൻ ഇവിടെ എഴുതുക: