മുംബൈ: സ്വാതന്ത്ര്യ സമരസേനാനിയായിരുന്ന വീര് സവര്ക്കറെക്കുറിച്ച് തെറ്റായ പരാമര്ശം നടത്തിയതിന് കോണ്ഗ്രസ് അധ്യക്ഷന് രാഹുല് ഗാന്ധിക്കെതിരെ പരാതി. ജയില് മോചിതനാകാന് ബ്രിട്ടീഷുകാരോട് സവര്ക്കര് യാചിച്ചതായും തന്റെ പ്രവൃത്തികളില് മാപ്പപേക്ഷിച്ചതായുമാണ് രാഹുല് പറഞ്ഞത്.
ഈ പ്രസ്താവനകളില് പ്രതിഷേധിച്ച് സവര്ക്കറുടെ കുടുംബമാണ് മുംബൈ ശിവാജി പാര്ക്ക് പോലീസ് സ്റ്റേഷനില് മാനനഷ്ടക്കേസ് ഫയല് ചെയ്തത്.
27 വര്ഷം ബ്രിട്ടീഷുകാര് ജയിലിലടച്ച സവര്ക്കറെക്കുറിച്ച് ഒരു തെരഞ്ഞെടുപ്പു റാലിയിലാണ് രാഹുല് അപകീര്ത്തികരമായ പരാമര്ശം നടത്തിയതെന്ന് അദ്ദേഹത്തിന്റെ ബന്ധു രണ്ജീത് സവര്ക്കര് ആരോപിച്ചു. രാഹുലിനെതിരെ പരാതി നല്കിയതും രണ്ജീതാണ്.
പ്രതികരിക്കാൻ ഇവിടെ എഴുതുക: