ശാസ്ത്രീയനാമം: Boerhavia diffusa
സംസ്കൃതം: പുനര്നവ, പുനര്ഭവ
തമിഴ്: ചാരണത്തി
എവിടെക്കാണാം: ഇന്ത്യയില് ഉടനീളം കണ്ടു വരുന്നു. ഇതില് വെള്ളപ്പൂവുള്ള വെളുത്തതഴുതാമ വരണ്ട ഭൂമിയില് മാത്രം കണ്ടുവരുന്നു. ഇവ കേരളത്തില് പാലക്കാട് ജില്ലയില് പലയിടത്തും കണ്ടു വരുന്നു.
പ്രത്യുത്പാദനംഃ മുറിച്ചു നട്ട തണ്ടില് നിന്ന്
ചില ഔഷധ പ്രയോഗങ്ങള്: കണ്പോളകളിലും കണ്ണിനുള്ളിലും ചൊറിച്ചില് വന്നാല് വെളുത്ത തഴുതാമ ഇടിച്ചു പിഴിഞ്ഞ നീര് തുണിയില് അരിച്ചെടുത്ത് കണ്ണില് നിര്ത്തണം. രണ്ടോ മൂന്നോ പ്രാവശ്യം മൂന്ന് ദിവസം ഇത് തുടര്ന്നാല് ചൊറിച്ചില് മാറും.
വെളുത്ത തഴുതാമ ഇടിച്ചു പിഴിഞ്ഞ നീര് എള്ളെണ്ണയും ചേര്ത്ത് കണ്ണില് നിര്ത്തിയാല് തുടര്ച്ചയായി കണ്ണില് നിന്ന് വെള്ളം ഒഴുകുന്നത് ശമിക്കും.
വെളുത്ത തഴുതാമയുടെ നീര് സമം, പഴകിയ നെയ്യും ചേര്ത്ത് കണ്ണില് നിര്ത്തിയാല് കണ്ണിലെ ഞരമ്പ് വീക്കവും കണ്ണിന്റെ കാഴ്ചക്കുറവും ശമിക്കും.
ചുവന്ന തഴുതാമയുടെ മൂന്ന് തളിരില, കിരിയാത്തിന്റെ മൂന്ന് തളിരില, ഒരു കഷണം പച്ചമഞ്ഞള്, ഇവ ചേര്ത്ത് നന്നായി അരച്ച് ഉരുട്ടി ദിവസം രണ്ട് നേരം വിഴുങ്ങിയാല് ഏഴു ദിവസം കൊണ്ട് പ്രമേഹം ഗണ്യമായി കുറയും. ഇത് തുടര്ച്ചയായി ഒരു മാസം കഴിച്ചാല് പ്രമേഹം അടുത്ത രണ്ട് മാസത്തേക്ക് നിയന്ത്രണ വിധേയമായിരിക്കും.
തഴുതാമവേര്, കല്ലൂര്വഞ്ചി, ഞെരിഞ്ഞില്, ഏലക്കായ്, വയല്ചുള്ളി, ചെറൂള, ഇവ ഓരോന്നും പത്ത് ഗ്രാം വീതം ഒന്നര ലിറ്റര് വെള്ളത്തില് വെന്ത് നാനൂറ് മില്ലിയായി വറ്റിച്ച് നൂറ് മില്ലി വീതം ചവര്ക്കാരം മേമ്പൊടി ചേര്ത്ത് ദിവസം രണ്ട് നേരം സേവിച്ചാല് ഒരു മാസം കൊണ്ട് വൃക്കയിലെ ചെറിയ കല്ലുകള് (നാല് എംഎം വരെ വലിപ്പമുള്ളത്) നശിച്ചു പോകും. പിന്നീട് ഉണ്ടാകുകയുമില്ല.
തഴുതാമ വേര്, ഗരുഡക്കൊടി വേര്, വേപ്പിന് തൊലി, പച്ച മഞ്ഞള്, കൃഷ്ണ തുളസിക്കതിര് ഇവ മനുഷ്യ മൂത്രത്തില് അരച്ച് തേച്ചാല് വിഷമേറ്റുണ്ടാകുന്ന നീരും വേദനയും ശമിക്കും.
പ്രതികരിക്കാൻ ഇവിടെ എഴുതുക: