ന്യൂദല്ഹി: സാമ്പത്തിക രംഗത്തിന് കരുത്ത് നല്കി രൂപയുടെ മൂല്യത്തില് വന് കുതിപ്പ്. ഡോളറിനെതിരെ 27 പൈസ ഉയര്ന്ന് 70.84 രൂപ എന്ന നിലയിലെത്തി. അതിനിടെ ഇന്ധന വില തുടര്ച്ചയായ ആറാമത്തെ ആഴ്ചയും കുറഞ്ഞു. പെട്രോളിന് 41 പൈസയും ഡീസലിന് 30 പൈസയുമാണ് കുറഞ്ഞത്.
കഴിഞ്ഞ ഒക്ടോബര് നാലിന് തൊണ്ണൂറ് തൊട്ട പെട്രോള് വിലയാണ് ഇപ്പോള് 76 രൂപയിലെത്തിനില്ക്കുന്നത്. ദല്ഹിയില് പെട്രോളിന് നാല്പ്പത്തിയൊന്ന് പൈസ കുറഞ്ഞ് 75 രൂപ 97 പൈസയും ഡീസലിന് 30 പൈസ കുറഞ്ഞ് 70 രൂപ 97പൈസയുമായി. തുടര്ച്ചയായ നാല്പ്പത്തിയെട്ടാമത്തെ ദിവസമാണ് ഇന്ധനവിലയില് കനത്ത ഇടിവ് ഉണ്ടാകുന്നത്.
കഴിഞ്ഞ പത്തുദിവസത്തിനിടെ പെട്രോളിനും ഡീസലിനും രണ്ടുരൂപയുടെ കുറവാണുണ്ടായത്. ഇന്ധന വില വര്ധന പിടിച്ചുനിര്ത്താന് കേന്ദ്രസര്ക്കാര് നടത്തിയ ഇടപെടുലുകള് ഫലം കണ്ടൈന്നാണ് സാമ്പത്തിക വിദഗ്ദരുടെ വിലയിരുത്തല്.
കനത്ത തിരിച്ചടിക്കുശേഷം ശക്തമായ കുതിപ്പാണ് ഡോളറിനെതിരെ രൂപ കഴിഞ്ഞ ദിവസങ്ങളില് കൈവരിച്ചുകൊണ്ടിരിക്കുന്നത്. തുടര്ച്ചയായ ഏഴാമത്തെ ദിവസവും വിനിമയനിരക്കില് മികച്ച നേട്ടം സ്വന്തമാക്കാന് രൂപയ്ക്കായി. എണ്ണവിലയിലെ ഇടിവും കേന്ദ്രസര്ക്കാര് ഇടപടെലുകളും രൂപയുടെ നേട്ടത്തിന് കാരണമായി.
പ്രതികരിക്കാൻ ഇവിടെ എഴുതുക: