ദുബായ്: ഇന്ത്യന് സ്പിന്നര് കുല്ദീപ് യാദവിന് ഐസിസി റാങ്കിങ്ങില് സ്ഥാനക്കയറ്റം. ട്വന്റി 20 ബൗളര്മാരുടെ പുതിയ റാങ്കിങ്ങില് ഈ റിസ്റ്റ് സ്പിന്നര് അഞ്ചാം സ്ഥാനത്തേക്ക് ഉയര്ന്നു.
ഓസീസിനെതിരായ പരമ്പരയിലെ മികച്ച പ്രകടനമാണ് കുല്ദീപിന് സ്ഥാനക്കയറ്റം നേടിക്കൊടുത്തത്. ഓസീസിനെതിരായ മൂന്ന് ട്വന്റി 20 മത്സരങ്ങളില് കുല്ദീപ് നാല് വിക്കറ്റുകള്
വീഴ്ത്തി. വളരെ കുറച്ച് റണ്സ് മാത്രമാണ് വിട്ടുകൊടുത്തത്. ഓവറിന് 5.50 റണ്സാണ് ശരാശരി. 714 പോയിന്റോടെയാണ് കുല്ദീപ് ഒന്നാം സ്ഥാനത്തെത്തിയത്.
ട്വന്റി 20 ബാറ്റ്സ്മാന്മാരുടെ റാങ്കിങ്ങില് ഇന്ത്യന് ഓപ്പണര് ശിഖര് ധവാന് പതിനൊന്നാം സ്ഥാനത്തേക്ക് ഉയര്ന്നു. ധവാന് 681 പോയിന്റുണ്ട്. കെ.എല് രാഹുല് ആറാംസ്ഥാനത്തും രോഹിത് ശര്മ ഒമ്പതാം സ്ഥാനത്തും തുടരുന്നു.
ടീം റാങ്കിങ്ങില് ഇന്ത്യ രണ്ടാം സ്ഥാനത്ത് തുടരുകയാണ്. പാക്കിസ്ഥാനാണ് ഒന്നാം സ്ഥാനം.
പ്രതികരിക്കാൻ ഇവിടെ എഴുതുക: