തിരുവനന്തപുരം: ടൂറിസ്റ്റ് ടാക്സികള്ക്കും മറ്റ് ലൈറ്റ് മോട്ടോര് വിഭാഗത്തിലെ വാഹനങ്ങള്ക്കും പമ്പവരെ സര്വീസ് നടത്തുന്നതിനുള്ള അനുമതി നല്കാന് സര്ക്കാര് തയ്യാറാകണമെന്ന് കേരളാ ടാക്സി ആന്ഡ് ലൈറ്റ് മോട്ടോര് മസ്ദൂര് ഫെഡറേഷന് സംസ്ഥാന ഭാരവാഹിയോഗം ആവശ്യപ്പെട്ടു.
പ്രളയം കാരണം വിനോദസഞ്ചാര മേഖലയിലുണ്ടായ തകര്ച്ച ടാക്സി തൊഴിലാളികളെ പ്രതികൂലമായി ബാധിച്ച സാഹചര്യത്തില് വാഹനവായ്പ അടയ്ക്കാന് കഴിയാതെ തൊഴിലാളികള് ബുദ്ധിമുട്ടുന്നു. ശബരമല സീസണില് പോലീസിന്റെയും സര്ക്കാരിന്റെയും അനാവശ്യ നിബന്ധനകള്, ഈ രംഗത്തെ തൊഴിലാളികളെ കൂടുതല് പ്രതിസന്ധിയിലാക്കുന്നു. മുന് വര്ഷങ്ങളിലെപ്പോലെ ഈ സീസണിലും ഭക്തരെ പമ്പയില് എത്തിക്കാനുള്ള സാഹചര്യമൊരുക്കണം.
സാമ്പത്തികമായി ഏറെ പ്രതിസന്ധിയിലായ മോട്ടോര് തൊഴിലാളികളുടെ വാഹനവായ്പയ്ക്ക് പ്രളയത്തിന്റെ സാഹചര്യത്തില് മൊറട്ടോറിയം പ്രഖ്യാപിക്കാന് സര്ക്കാര് തയാറാകണമെന്നും യോഗം ആവശ്യപ്പെട്ടു.
എറണാകുളം ബിഎംഎസ് സംസ്ഥാന കാര്യാലയത്തില് ഫെഡറേഷന് സംസ്ഥാന പ്രസിഡന്റ് എ.എസ്. രഘുനാഥിന്റെ അധ്യക്ഷതയില് കൂടിയ യോഗത്തില് ബിഎംഎസ് സംസ്ഥാന സംഘടനാ സെക്രട്ടറി സി.വി. രാജേഷ്, സംസ്ഥാന സെക്രട്ടറി ആര്. രഘുരാജ്, ടാക്സി ഫെഡറേഷന് സംസ്ഥാന ജനറല് സെക്രട്ടറി ഗോവിന്ദ് ആര്. തമ്പി എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: