തിരുവനന്തപുരം: ഐ.ജി മനോജ് എബ്രാഹാമിനെ എഡിജിപിയായി ഉയര്ത്തുന്നതും മൂന്ന് ഐഎഎസുകാരെ പ്രിന്സിപ്പല്സെക്രട്ടറിമാരാക്കുന്നതും അടക്കം ഐപിഎസ്, ഐഎഎസ് ഉദ്യോഗസ്ഥരുടെ സ്ഥാനക്കയറ്റ പട്ടികയ്ക്ക് മന്ത്രിസഭായോഗത്തിന്റെ അംഗീകാരം.
1994 ഐപിഎസ് ബാച്ചിലെ മനോജ് എബ്രഹാമിന് ഒഴിവ് വരുന്ന മുറയ്ക്ക് നിയമനം നല്കും.
1994 ഐഎഎസ് ബാച്ചിലെ രാഷേജ് കുമാര് സിന്ഹ, സഞ്ജയ് ഗാര്ഗ്, എക്സ്. അനില് എന്നിവര്ക്ക് പ്രിന്സിപ്പല് സെക്രട്ടറി പദവിയിലേക്ക് സ്ഥാനക്കയറ്റം നല്കുന്നതിനുള്ള പാനലും അംഗീകരിച്ചു. ഒഴിവ് വരുന്ന മുറയ്ക്ക് ഇവര്ക്ക് സ്ഥാനക്കയറ്റം നല്കും.
2001 ഐപിഎസ് ബാച്ചിലെ എ.ആര്. സന്തോഷ് വര്മ്മയെ ഐ.ജി പദവിയിലേക്ക് സ്ഥാനക്കയറ്റം നല്കുന്നതിനുളള പാനലില് ഉള്പ്പെടുത്താനും 2005 ഐ.പി.എസ് ബാച്ചിലെ നീരജ് കുമാര് ഗുപ്ത, എ. അക്ബര്, കോറി സഞ്ജയ് കുമാര് ഗുരുദിന്, കാളിരാജ് മഹേഷ്കുമാര് എന്നിവരെ ഡി.ഐ.ജി പദവിയിലേക്ക് സ്ഥാനക്കയറ്റം നല്കുന്നതിനുളള പാനലില് ഉള്പ്പെടുത്താനും തീരുമാനിച്ചു. സംസ്ഥാനത്തെ 32 ലാന്ഡ് അക്വിസിഷന് യൂണിറ്റുകളിലെ 460 തസ്തികകള്ക്ക് 2018 സെപ്തംബര് 1 മുതല് ഒരു വര്ഷത്തേക്ക് തുടര്ച്ചാനുമതി നല്കാനും തീരുമാനിച്ചു.
പ്രതികരിക്കാൻ ഇവിടെ എഴുതുക: