സിഡ്നി: ഇന്ത്യന് ബൗളര്മാരുടെ മുനയൊടിച്ച ഓസ്ട്രേലിയന് ക്രിക്കറ്റ് ഇലവന് താരങ്ങള്. ടെസ്റ്റ് പരമ്പരയ്ക്ക് മുന്നോടിയായി നടന്ന ചതുര്ദ്ദിന സന്നാഹ മത്സരത്തിന്റെ ഒന്നാം ഇന്നിങ്സിന്റെ മൂന്നാം ദിനം കളിനിര്ത്തുമ്പോള് ഓസീസ് ഇലവന് ഇന്ത്യക്കെതിരെ ആറ് വിക്കറ്റിന് 356 റണ്സെടുത്തു. ഇന്ത്യയേക്കാള് രണ്ട് റണ്സ് മാത്രം പിന്നിലാണ് ആതിഥേയര്. ഇന്ത്യ ഒന്നാം ഇന്നിങ്സില് 358 റണ്സാണെടുത്തത്.
ഡാര്സി ഷോര്ട്ട് (74), ബ്രയാന്റ് (62), നീല്സന് (56 നോട്ടൗട്ട്), ഹാര്ഡി (69 നോട്ടൗട്ട്) എന്നിവരുടെ അര്ധസെഞ്ചുറികളുടെ മികവിലാണ് ഓസീസ് ഇന്ത്യന് സ്കോറിനൊപ്പമെത്തിയത്.
ഓപ്പണിംഗ് വിക്കറ്റില് ഡാര്സി ഷോര്ട്ട്-ബ്രയാന്റ് സഖ്യം 114 റണ്സെടുത്തു. ക്യാപ്റ്റന് വിരാട് കോലിയടക്കം ഏഴ് ബൗളര്മാരെ പരീക്ഷിച്ച ഇന്ത്യക്കായി മുഹമ്മദ് ഷാമി 67 റണ്സ് വഴങ്ങി മൂന്ന് വിക്കറ്റെടുത്തപ്പോള് ഉമേഷ് യാദവും അശ്വിനും ഓരോ വിക്കറ്റെുത്തു.
പ്രതികരിക്കാൻ ഇവിടെ എഴുതുക: