തിരുവന്തപുരം: പ്രതിപക്ഷ ബഹളത്തെ തുടര്ന്നു തുടര്ച്ചയായ നാലാം ദിവസവും നിയമസഭാ പിരിഞ്ഞു. കഴിഞ്ഞ മൂന്ന് ദിവസം പ്രതിപക്ഷം ഉന്നയിച്ച ശബരിമല വിഷയത്തിലെ അടിയന്തരപ്രമേയത്തിന് മറുപടി നല്കണമെന്നും പ്രതിപക്ഷ നേതാവ് രമേശ് ചെന്നിത്തല ആവശ്യപ്പെട്ടു. ഇതോടെ സഭ പ്രക്ഷുബ്ധമാകുകയായിരുന്നു.
നിയമസഭാ നടപടികള് തടസ്സപ്പെടുത്തില്ലെന്ന് പ്രതിപക്ഷ നേതാവ് സഭയെ അറിയിച്ചെങ്കിലും, മുഖ്യമന്ത്രിയുടെ മറുപടിയില് പ്രകോപിതരായി സമരം പ്രഖ്യാപിച്ച് യുഡിഎഫ് നടുത്തളത്തിലിറങ്ങി പ്രതിഷേധിക്കുകയായിരുന്നു.
മൂന്ന് യുഡിഎഫ് എംഎല്എമാര് സഭാ കവാടത്തില് സത്യഗ്രഹമിരിക്കുമെന്ന് പ്രതിപക്ഷ നേതാവ് രമേശ് ചെന്നിത്തല നടപടികള് ആരംഭിച്ചപ്പോള് സഭ അറിയിച്ചിരുന്നു. സഭാ നടപടികള് തടസപ്പെടുത്തില്ലെന്നും പ്രതിപക്ഷനേതാവ് അറിയിച്ചിരുന്നു.
മുഖ്യമന്ത്രി മറുപടി നല്കുന്നതിനിടെ യുഡിഎഫ് സമരം ബിജെപിയുമായുള്ള ഒത്തുകളിയെന്ന് പറഞ്ഞതോടെ എംഎല്എമാര് സഭയുടെ നടുത്തളത്തിലേക്ക് എത്തുകയായിരുന്നു. ചോദ്യത്തര വേള പുരോഗമിക്കുന്നതിനിടെ യുഡിഎഫ് എംഎല്എമാരുടെ സമരം തുടരുകയാണ്. കറുത്ത ബാനര് കൊണ്ട് സ്പീക്കറുടെ കാഴ്ച മറച്ച് പ്രതിപക്ഷം പ്രതിഷേധിച്ചു.
പ്രതികരിക്കാൻ ഇവിടെ എഴുതുക: