തിരുവനന്തപുരം: ശബരിമല പ്രശ്നത്തില് ബിജെപിയുടെ രണ്ടാംഘട്ട സമരം ആരംഭിച്ചു. രാവിലെ പത്തരമണിയോടെ സെക്രട്ടറിയേറ്റ് പടിക്കല് ജനറല് സെക്രട്ടറി എ.എന് രാധാകൃഷ്ണന് അനിശ്ചിതകാല ഉപവാസ സമരം തുടങ്ങി. ബിജെപി ദേശീയ ജനറല് സെക്രട്ടറി സരോജ് പാണ്ഡെ ഉപവാസം ഉദ്ഘാടനം ചെയ്തു.
ശബരിമലയിലെ നിരോധനാജ്ഞയും നിയന്ത്രണങ്ങളും പൂര്ണ്ണമായും പിന്വലിക്കുക, കെ.സുരേന്ദ്രന് ഉള്പ്പെടെയുളള അയ്യപ്പഭക്തര്ക്കെതിരെ എടുത്ത കളളക്കേസുകള് പിന്വലിക്കുക, ശബരിമലയില് അയ്യപ്പവേട്ട നടത്തിയ പോലീസ് ഉദ്യോഗസ്ഥര്ക്കെതിരെ നടപടിയെടുക്കുക, ശബരിമലയില് അയ്യപ്പഭക്തന്മാര്ക്ക് അടിസ്ഥാന സൗകര്യങ്ങള് ഏര്പ്പെടുത്തുക, ശബരിമലയിലെ ആചാരങ്ങളും അനുഷ്ഠാനങ്ങളും സംരക്ഷിക്കുക തുടങ്ങിയ ആവശ്യങ്ങള് ഉന്നയിച്ചാണ് സമരം.
ഞായറാഴ്ച മുതല് മുഖ്യമന്ത്രിക്കും മന്ത്രിമാര്ക്കുമെതിരെ ബജെപി പ്രതിഷേധം ശക്തമാക്കിയിരുന്നു.
പ്രതികരിക്കാൻ ഇവിടെ എഴുതുക: