അബുദാബി: ന്യൂസിലന്ഡിനെതിരായ മൂന്നാം ക്രിക്കറ്റ് ടെസ്റ്റിന്റെ രണ്ടാം ദിനം കളിനിര്ത്തുമ്പോള് പാക്കിസ്ഥാന് മൂന്ന് വിക്കറ്റ് നഷ്ടത്തില് 139 റണ്സ് എടുത്തു. ന്യൂസിലന്ഡിന്റെ ഒന്നാം ഇന്നിങ്ങ്സ് സ്കോറിനൊപ്പം എത്താന് അവര്ക്ക്് ഇനി 135 റണ്സ് കൂടി വേണം.
സ്റ്റമ്പെടുക്കുമ്പോള് അസര് അലി (62), ആസാദ് ഷാഫിക് (26) എന്നിവര് പുറത്താകാതെ നില്ക്കുകയാണ്. ന്യൂസിലന്ഡ് ആദ്യ ഇന്നിങ്ങ്സില് 274 റണ്സിന് പുറത്തായി.
പതിനേഴ് റണ്സിന് രണ്ട് വിക്കറ്റുകള് നഷ്ടമായ പാക്കിസ്ഥാനെ അസര് അലിയുടെ ബാറ്റിങ്ങാണ് തുണയായത്. 169 പന്തില് നാല് ബൗണ്ടറിയുടെ പിന്ബലത്തിലാണ് അലി 62 റണ്സ് എടുത്തത്.
മൂന്നാം വിക്കറ്റില് ഹാരിസ് സോഹയ്ലുമൊത്ത് 68 റണ്സ് കൂട്ടിചേര്ത്തു. സോഹയ്ല് 34 റണ്സിന് കീഴടങ്ങി. തുടര്ന്നെത്തിയ ആസാദ് , അലിക്ക് പിന്തുണ നല്കി. അഭേദ്യമായ നാലാം വിക്കറ്റില് ഇവര് 54 റണ്സ് കൂട്ടിചേര്ത്തു.
നേരത്തെ ഏഴിന് 229 റണ്സിന് ഇന്നിങ്ങ്സ് തുടങ്ങിയ ന്യൂസിലന്ഡ് 274 റണ്സിന് ഓള്ഔട്ടായി.
പ്രതികരിക്കാൻ ഇവിടെ എഴുതുക: